1. Mo’tadillik, vazminlik (ijtimoiy jiddiylik, inglizcha kamtarlik, kamsuqumlik)

Dunyoning til manzarasi, eng avvalo, leksika, iboralar, frazeologik birliklar, idiomalar, maqollar, matallar, latifalar va boshqalar orqali shakllanadi. Ushbu tadqiqot natijalariga ko’ra, ingliz mentaliteti va milliy xarakterining dunyoning ingliz tilidagi manzarasini shakllantirishga yordam beradigan asosiy kommunikativ va tegishli xususiyatlari quyidagilar:
1. Mo’tadillik, vazminlik (ijtimoiy jiddiylik, inglizcha kamtarlik, kamsuqumlik)
Inglizlar xulq-atvorda va jamoat hayotida mo'tadillik va vazminlikni namoyon etadilar, ular haddan tashqari ko'p narsaga moyil emaslar. Keyt Foks ijtimoiy jiddiyikni inglizlikning belgisi deb ataydi.
Inglizlarning vazminligini anglatuvchi asosiy iboralarga quyidagilar kiradi: ‘An Englishman’s home is his castle’; ‘Nice day, isn’t it?’; ‘Oi - what you looking at?’; ‘Mind your own business’; ‘I don’t like to pry, but . . .’; ‘Don’t make a fuss/scene’; ‘Don’t draw attention to yourself’; ‘Keep yourself to yourself’; ‘’Ere we go, ’ere we go’; ‘Enger-land! Enger-land! Enger-land».
Ingliz xalqining kamtar va kamsuqumligini quyidagi maqollarda ham o’z aksini topgan:
Silence is gold(en). – Sukut oltinga teng.
Brevity is the soul of wit. – Lo’ndalik donolik asosi.
First think; then speak. – Avval o’yla, keyin so’yla.
A word to the wise. – Donolarga bir so’z yetarli.
Still waters run deep. – Chuqur daryo tinch oqadi.
A. Vezhbitskaya ta'kidlashicha, ingliz tilida hissiy fe'llar juda kam - tashvish, hasrat, quvonish, qayg’uga botmoq va boshqalar. "Bu Anglo-Sakson madaniyatining muhim xususiyatini aks ettiradi - bu madaniyat "hissiy" deb baholanadigan xatti-harakatlarga maxsus tasdiqsiz, shubha va chalkashlik bilan qaraydi" [5, p. 339].
Ayniqsa undov gaplar ustida to'xtash kerak. Inglizlarning mo'tadilligi va vazminligi undov jumlalarining yo'qligida, ayniqsa rasmiy va ishbilarmonlik uslublarida namoyon bo'ladi (Dear Mr. Smith, Dear Sir/Madam).