1. Bu yurt barchamizniki

1.Bu yurt barchamizniki
Yurt obodligi uchun,birinchi navbatda,tinchlik va millatlararo totuvlik kerak.Davlatimiz e’tibori va g’amxo’rligi tufayli biz qaysi millat va elat vakili bo’lmaylik,shu yurtda tenglikda,ahil – inoqlikda umrguzaronlik qilyapmiz.Hukumatimiz tomonidan Respublika baynalmilal madaniyat markazi tashkil etilgan.Konstitutsiyamizda insonning irqi,millatidan qat’i nazar qonun oldida tengligi kafolatlangan.Bu ishlarning samarasini bugun barchamiz ko’rib –bilib turibmiz.Ayni paytda yurtimizda istiqomat qilayotgan 130 dan ortiq millat va elatning o’z madaniyati,urf – odatlari,qadriyatlarini to’la namoyon etishi uchun barcha shart – sharoitlar yaratib berilgan.


_________________________________________________________

2.Yaxshilik yerda qolmas
Ari suv ustida uchib yurib,birdan suvga tushib ketdi.Qanotlari ho’l bo’ldi.Arining uchishga kuchi yetmadi. Shu payt arini kabutar ko’rib qoldi.Unga rahmi keldi.Kabutar cho’pni tishlab,suvga tashladi.Ari cho’pni kema qilib,halokatdan qutuldi. Bir bola tuzoq qo’yib,kabutarni tutmoqchi bo’ldi.Ari buni ko’rib qoldi. U shu zahoti kelib,bolaning qulog’ini chaqdi.Bola og’riqqa chidolmay tuzoqni tashlab,qulog’ini ushladi. Kabutar uchib ketib,falokatdan qutuldi.
3.Ilm va uning xosiyatlari
Olim kishilar har yerda aziz va hurmatdadirlar.Shuning uchun har vaqt ilm olish ilinjida bo’lishi kerak. Ilmsiz inson – mevasiz daraxt.Demak,hamisha ilmlilar safida bo’lishga intilmoq lozim. Ilm martabasi martabalarning eng zo’ridir.Shu sababli yoshlikdan ilm olish payida bo’lish zarur. Ilm – saodatga yo’llovchi mash’al.Shu tufayli uning insonlar hayotidagi o’rni nihoyatda katta. Beshikdan to qabrgacha ilm izlamoq darkor.
4.Inson yaxshilik uchun yaratilgan
Yaxshilik bu jamiyat uchun tinmay mehnat qilish,xalq sha’niga dog’ tushirmaslik,ko’pchilik manfaatiga qarshi ish tutmaslik,o’z xalqiga xiyonat qilmaslik.ziyon yetkazmaslikdir. Yaxshilik vijdonli,muomalali,madaaniyatli,kamtar,oliyjanob,haqgo’y bo’lish,inson taqdiri haqida chinakam g’amxo’rlik qilish,bir – biri bilan hamkor bo’lish demakdir. Halol mehnat qilish yaxshilidir.Yaxshilik qonuni asosida yashamoq barhayotlikdir. Donolar deydiki:”Birovga yaxshilik qilsang,o’ziga bildirmay qil”, ”Birovga yaxshilik qilsang,yaxshilik qaytadi”.
5.Burch
Har bir kishining o’z vazifalarini to’liq bajarish,odamlarga to’g’ri munosabatda bo’lish kabi fazilatlarni ifoda etadi.Burch shaxsning jamiyatga bo’lgan munosabatida namoyon bo’ladi. Aql-zakovat,tafakkur asosida va ularga tayanib o’z burchini bajarish faqat insongagina xos. Burch shaxsning axloqiy faoliyatini ifodalovchi mas’ulyat, onglilik, vijdon kabi fazilatlar bilan chambarchas bog’liqdir.O’z burchiga sodiqlik har bir kishiga obro’ hamda shon –sharaf keltiradi.Har bir insonning o’z burchiga sodiqligi o’ziga, jamiyatga, Vatanga, oilaga, farzandlariga bo’lgan munosabatida namoyon bo’ladi.Burch – muqaddas.Burchga sodiqlik Vatanga sodiqlikdir.O’z burchiga sodiqlik har bir kishining odobi,axloqini ifodalaydi,ammo o’z burchini bajarmagan kishilar xalq orasida hurmat topmaydi. Burch o’z –o’zidan shakllanmaydi,balki tarbiya jarayonida kamol topadi.Burchni tarbiyalash jarayonida o’z – o’ziga talabchanlik rivojlanadi.Natijada har bir kishida o’z ishiga,bilimiga va kuch – quvvatiga ishonch qaror topadi.O’z burchini bilgan kishi o’zining to’g’riligi bilan ishdagi kamchiliklarni ochib tashlaydi hamdanojo’ya harakat qilayotgan kishilarga murosasiz bo’ladi.Burchiga sodiq kishi birovlarni ranjitmaydi,boshqalarni xafa qilmaysi va sabr – toqatli bo’ladi.