9. O’zbekiston milliy sporti dunyoni zabt etmoqda
O’zbekiston sportining an’anaviy turlari bilan birgalikda milliy sport turlari ham xalq o’yinlari ham tobora rivojlanib bormoqda.Bugungi kunda dunyoning ko’plab mamlakatlarida o’zbek kurashi bo’yicha musobaqalar tashkil etilib,sportning shu turi ustalari o’rtasida jahon chempionati muntazam o’tkazilib kelinayotgani O’zbekistonda yashayotgan har bir fuqaro qalbini g’ururga to’ldiradi. Biz faxrlansak arziydigan milliy sport turlari juda ko’p.Ular orasida “Turon” kurashi, ”O’zbek jang san’ati”,”Uloq”,”Ko’pkari”,”Chovgon”,”Belbog’li kurash” va “Kamondan o’q otish”turlari alohida ahamiyatga ega. Ayniqsa, “O’zbek jang san’ati”ga bo’lgan qiziqish kuchayib bormoqda. Bu sport turi yoshlardan abjirlik,epchillik kabi xususiyatlarni shakllantirishda ,o’tkir zehnli bo’lib ulg’ayishlarida muhim o’rin tutadi.
_________________________________________________________
10.Suv hayot demakdir
Suv – hayot manbai,inson salomatligining garovi.Odam o’zini yaxshi his qilishi uchun faqat toza ichimlik suvidan foydalanishi kerak.Bugungi kunda suvni tejab ishlatish,ariq va anhorlarga axlat tashlamaslik haqida uka-singillarimizga gapirib bersak,o’zimiz ularga o’rnak bo’lsak, maqsadga muvofiq bo’ladi.Suvga tupurish,unga xas-cho’p tasshlash hamda isrof qilish qadimdan qoralangan. Suv nafaqat inson uchun,balki butun tabiat,o’simlik va hayvonot dunyosi uchun ham juda zarur.Agar suv bo’lmasa butun borliq,shu jumladan insoniyat ham yo’q bo’lib ketishi mumkin.Shuning uchun,aziz o’quvchilar ,suvdek noyob xazinamizni asraylik.Shunda ona tabiat bizga o’zining barcha boyliklarini in’om etib,el-yurtimiz boy – badavlat, farovon yashaydi.
11.Odob ziynati
Odob – inson ziynati.Bu ziynat insonning axloqiy xislatlarida namoyon bo’ladi. Kamtarlik – insonning o’z atrofidagilarga va o’z –o’ziga nisbatan munosabatda ortiqcha izzat-ikrom,alohida ehtirom talab qilmaydigan axloqiy xislat.Kamtar inson boshqalarni hurmat qiladi,izzattalab bo’lmaydi,muvaffaqiyatlaridan kibr – u havoga berilmaydi, maqtanchoqlik qilmaydi. Xalqimiz hamisha kamtarlikni ulug’lab kelishgan,”Kamtarga kamol – manmanga zavol”maqoli bekorga aytilmagan.Kibr – u havo – kamtarlikning aksi bo’lib,insonning o’ziga,o’z qobiliyatiga ortiqcha baho berishi natijasida namoyon bo’ladi.Ushbu o’rinda Kaykavusning “Qobusnoma”asarida o’g’li Gilonshohga aytgan pand – nasihatlari beqiyos ahamiyatga egadir:”Men dunyoda nima hosil qilgan bo’lsam,sening oldingga qo’ydim,toki o’zingga bino qo’ymagaysan, kattalarga hurmat,kichiklarga izzat – ikrom ko’rgizgaysan va insonga nomunosib hayvoniy – hirsiy ishlarni qilmagaysan,padaringga la’nat keltirmagaysan”.
Do'stlaringiz bilan baham: |