1-boshlovchi Vatanni aslida vatan qilganlar

1-boshlovchi

Vatanni aslida vatan qilganlar ,
Erk uchun jonlarini gulxan qilganlar.
Tillarin kessalar, ko’zlarin o’ysa,
Bir-biriga dil bilan suxan qilganlar.
Vatanni aslida vatan qilganlar.
Assalomu aleykum hurmatli aziz ustozlar hamda mehmonlar. Hammamiz 9-mayni ‘’Xotira va qadrlash kuni’’ deb bilamiz. Hamda bu kunda o’tganlarni yod etish, tiriklarni qadrlashni biz mustaqil yurt farzandlari uchun ham qarz, ham farz deb hisoblaymiz.

2-boshlovchi

Maqtov malham bo’lmas, bu qurbonlarga,
Oyatda orom bor shahid jonlarga.
Qo’llaring duoga katta och,elim
Shukrona joizdir, erkli onlarga,
Vatanni aslida vatan qilganlar.
Inson xotirasi azizdir. Xalqimiz qadim-qadimdan o’tgan avlodlarni munosib xotirlab kelgan. O’tganlarni yaxshi fazilatlari eslanib, ularning ruhiga duo-fotiha o’qilgan.
Demak ,odamzotni boshqa jonzotlardan ajralib turadigan muhim jihatlaridan biri xotiraga ega ekanligidir.

1-boshlovchi

Shoirimiz Maqsud Shayxzoda aytganlaridek ;
Odamlar bo’ladiki, tirigida o’likdir. Odamlar bo’ladiki, mangulikda tirikdir.

2-boshlovchi

Ular o’lmaganlar mangu hayotlar, Har jabhada bizga yo’ldosh qanotlar.
Ruhi poylariga qilaylik ta’zim,
Xotirlab yurmoqlik savobi azim.
Bugun siz azizlarga bizning maktabimiz o’quvchilari tomonidan tayyorlangan ‘’Unutmoq osonmas sizlarni’’ deb nomlangan tadbirni ochiq deb e’lon qilamiz.

1-boshlovchi

Darhaqiqat , ustoz-murabbiylar shunday buyuk ulug’ insonki, ulrdan bir umr qarzdormiz. Ustoz-hayot charog’boni.U yosh avlodga ilm-fan asoslarini o’rgatadi , ularga ta’lim tarbiya beradi, zamonamizning har tomonlama barkamol kishilarni yetishtiradi.

2-boshlovchi

Ustoz va shogird quyosh bilan oyga o’xshaydi. Oy quyoshdan nur olib, borlig’ini yoritgani kabi, shogird ustozdan ziyo olib hayot mash’alini yoqadi.
‘’Ustoz otangdek ulug’ ’’deb bejiz aytishmagan. Bu hikmatga amal qilib, ustozni ota-onadek hurmat qilib, bir umrga e’zozlashimiz kerak.

1-boshlovchi

Azaldan ustozni ulug’lar xalqim,
Ularga ezgulik tilamoq haqqim.
Bunchalar ulug’siz, bunchalar zukko,
Umringiz mo’jiza yetmaydi aqlim.

2-boshlovchi

Ey, inson idroki charxlovchi zot,
Ey, ma’rifat bog’ini gullatgan zot.
Siz bilan munavvar bu shirin hayot,
Siz bilan obotdir bu ko’hna dargoh.