1-amaliy mashg‘ulot Yuqori tezlik magistrallarini ishlatish tajribasi. Zamonaviy yuqori tezlik temir yo‘l transportini paydo bo‘lishi va rivojlanishi

1-amaliy mashg‘ulot

Yuqori tezlik magistrallarini ishlatish tajribasi.

Zamonaviy yuqori tezlik temir yo‘l transportini paydo bo‘lishi va rivojlanishi

1964 yil Yaponiyada maksimal tezligi 200 km/s muntazam qatnov uchun mo‘ljallangan dunyodagi eng birinchi 515 km magistral Tokio–Osaka temir yo‘li ekspluatatsiyaga topshirilgan edi.

“Yuqori tezlik temir yo‘l magistrali” tushunchasi paydo bo‘ldi; dunyoda dastlab Sinkansen11 atamasidan keng foydalanildi. Maxsuslashtirilgan YuTM lar ko‘rinishidagi yuqori tezlik temir yo‘l transporti bir nechta rivojlanish bosqichlaridan o‘tgan. Yuqori tezlik temir yo‘l transporti rivojlanishining dastlabki bosqichi Yaponiya, so‘ng Fransiya va Italiya kabi ayrim davlatlarda birinchi YuTM ekspluatatsiyaga kiritilgan XX asrning 60–80-yillariga to‘g‘ri keladi. Bu davlatlar bilan bir vaqtda Germaniya, Buyukbritaniya, AQSh, Sobiq Sovet Ittifoqida ilmiy tadqiqotlar, izlanishlar, to‘g‘ri yechimlarni tanlash va ularni amalda tekshirish, YuTM larni qurish hamda yuqori tezlik harakat tarkibini yaratish uchun zarur bo‘lgan asosiy muhandis-texnik yechimlarni tanlash ishlari jadal ravishda olib borilgan.