1-amaliy mashg‘ulot Yuqori tezlik magistrallarini ishlatish tajribasi. Zamonaviy yuqori tezlik temir yo‘l transportini paydo bo‘lishi va rivojlanishi

Ikkinchi bosqich XX asrning 90-yillari – XXI asrning birinchi o‘n yilligiga to‘g‘ri keldi. YuTM da ommaviy yo‘lovchi tashishlar o‘zining yuqori darajada ishonchliligini, xavfsizligini, iqtisodiy samaradorligini, ekologik jihatdan ozodaligi va yo‘lovchilarni o‘ziga jalb etishini ko‘rsatdi.

YuTM larni yaratish loyihalarini ko‘pchilik davlat hukumatlari tomonidan qo‘llab-quvvatlanadi. G‘arbiy Evropada Parij – Kyoln, Parij – Amsterdam; London – Parij va London – Bryussel marshrutlari bo‘ylab birinchi xalqaro yuqori tezlik poyezdlari 1 Sinkansen (yapon tilidan) – katta yangi yo‘l yoki yangi magistral degani ekspluatatsiyaga tushirildi va bunda ayrim yuqori tezlik liniyalari uchastkalaridan foydalanilgan edi (1.3-rasm).

Ekologik muammolar ko‘payib borayotgan davrda YuTM larni atrof muhitga juda kam ta’sir ko‘rsatayotgani, avtomobil transporti va aviatsiyaga nisbatan kichikroq hududlarni egallashi ularni yanada jozibadorligini ko‘rsatdi. Yuqori tezlik temir yo‘llari bo‘lgan davlatlar klubiga Yaponiya, Fransiya va Italiyadan tashqari Germaniya, Belgiya, Ispaniya, Niderlandlar, AQSh, Buyukbritaniya, Tayvan, Koreya Respublikasi (Janubiy), Shvetsiya, Norvegiya, XXR kiradi. 1990 yillarda YuTM larning umumiy uzunligi 6 ming km yetdi. Kundalik tijorat ekspluatatsiyasida YuTM poyezdlari tezligi 300 km/s gacha oshgan. 2007 yil 3 aprelda Fransiyada V150 tajriba poyezdi temir yo‘l transportida 574,8 km/s teng tezlik rekordini o‘rnatdi, va bu “g‘ildirak-rels” tizimining tezlik imkoniyatlarini va ishonchliligini namoyon etdi (1.4, 1.5-rasmlar).