Zumradoylar davrasi

Zarur jihozlar: piyoz ekish uchun quticha, (gultuvak), suvquygʻichda suv, piyoz, salat, sholgʻom urugʻlari.
Mashgʻulotnitashkil etish.Ungan piyozbosh, har bir bola uchun yumshoq tuproqli gultuvaklar,suvquygʻichda suv, piyozbosh (idishda har bir bolaga bittadan). Bolalar tarbiyachining qarshisigabir qator qilib oʻtkaziladi. Stollar qator qilib qoʻyiladi. Tuproqli tuvak (quti) va piyozbosh alohida qilib qoʻyiladi.
Mashgʻulotningborishi.Tarbiyachi koʻk barglari ungan piyozboshni koʻrsatib «Bu nima» deb soʻraydi. Bolalar javob berishadi. Tarbiyachi toʻgʻrijavobni tasdiqlaydi, agarda bolalar qiynalsalar, oʻzi javob beradi. Piyozning koʻk barglarini koʻrsatib, «Piyoz barglarining rangi qanday?»—deb soʻraydi. Har bir bolaga bittadan piyoz beradi. «Piyoz poʻstining rangi qanday?»—deb soʻraydi. Soʻngra piyozni barmoqlari bilan ushlab, uning shaklini aytishni taklif etadi. Shundan soʻng tarbiyachi piyozboshningtuproqqa ekilishi va koʻk piyoz unib chiqishini tushuntiradi. Tarbiyachi maslahatiga koʻra bolalar piyozboshni stol ustiga qoʻyadilar. Tarbiyachi har bir bola oldiga tuproqli tuvak qoʻyadi, bolalarga oʻz tuvaklari oldiga kelishlarini va undagi chuqurchani topishni aytadi. Soʻngra piyozboshni olib, bolalarga ham piyozboshni qoʻllariga olishlarini taklif etadi. Piyozning dumi va ildizi qayerdaligini koʻrsatadi. Bolalar oʻz piyozlariga qarab, takrorlaydilar. Tarbiyachi piyozning dum tomonini yuqoriga qilib, tuvakka qoʻyadi, bolalar ham uning bu harakatini takrorlaydilar. Soʻngra topshiriqning qanday bajarilishini tekshiradi. Tarbiyachining maslahatiga koʻra bolalar piyozboshni bosadilar va tarbiyachini ekilgan piyoz atrofiga tuproqni qanday solayotganini kuzatadilar va bu harakatni oʻzlari ham takrorlaydilar. Shundan soʻngtarbiyachi tuproqni barmoqlar bilan yana bosib qoʻyish kerakligini aytib, bolalarning harakatini ragʻbatlantiradi.
Soʻngra tarbiyachi har qaysi bolaga qogʻoz varagʻi ustiga bir nechtadan salat va sholgʻom urugʻini qoʻyib,ularni solishtirib, shakli, katta-kichikligi va rangi jihatidan farqini aytadi. Keyin rediska urugʻi ham shu tarzda solishtiriladi. Bu urugʻlar qaysi jihatdan oʻxshashligi (maydaligi, ulardan sabzavotlar oʻsib chiqishi)ni aniqlaydilar. Tarbiyachi ekishga moʻljallangan mayda uruqqa qum aralashtirish kerakligini aytib, qanday aralashtirishni koʻrsatib beradi. Tarbiyachi va bolalar yumshoq tuproqli qutiga urugʻni sepadilar. Sepilgan urugʻ ustidan tuproqni bir tekisda sochadilar. Bolalarga suvquygʻichlarni berib, ekilgan urugʻlarga suv quyishda yordam berishni iltimos qiladi va bolalarga bundan buyon navbatchilar oʻsimliklarni mustaqil parvarish qilishlarini, kuniga urugʻlarni unib chiqishi uchun suv quyishlarini aytib tushuntiradi. Oxirida navbatchilarga har qaysi qutilarga sabzavotlar rasmi tushirilgan yorliqlarni biriktirib qoʻyish topshiriladi.
Yakuniy kism:Bolalarni oʻsimliklarni parvarish qilish malakalarini rivojlantirish. Bolalarda mehnatsevarlik, kattalarning mehnatiga hurmat bilan qarash singari fazilatlarini tarbiyalash.