Zumradoylar davrasi mashg'ulot ishlanmasi “odobnoma” mavzu: odob salomdan boshlanadi maqsad

«BIZNING KO‘CHA»
Maqsad: Bolalarda tug‘ilib o‘sgan joylariga, o‘z ko‘chalariga nisbatan mehr uyg‘otish. O‘z ko‘chasining nomini bilishga o‘rgatish. Ko‘chani ozoda saqlash, ko‘chada non va muzqaymoq yemaslik, gulzorlarni payhon qilmaslik kabi ko‘cha odoblariga amal qilishni uqtirish.

Kerakli jihoz: Sayr qiladigan ko‘chani tayyorlash.

Suhbatning borishi: Tarbiyachi: Hammamizning o‘z ko‘chamiz, o‘z uyimiz bor. Ko‘chalarimiz chiroyli. Ko‘chalarga daraxtlar, gullar eqilgan , ko‘chalar ozoda.

Ko‘chada yurishning ham odobi bor. Odobli bola ko‘chada o‘zini yaxshi tutadi, qo‘rslik qilmaydi, kattalarga yo‘l beradi, tozalikni saqlaydi, ko‘chada qo‘shnilarga, o‘zidan kattalarga salom beradi. Ko‘chada shovqin solmaydi, ko‘chada yurib ketayotib non, muzqaymoq yeyish, yomon odatdir.

Bolalar, hozir biz muassasamizga yaqin ko‘chalarni aylanib sayr qilib kelamiz. Bu ko‘chalar sizga tanish, qadrli. Chunki bu ko‘chalardan har kuni o‘tib o‘z muassasamizga kelamiz.

Tarbiyachi bolalarni muassasaga yaqin ko‘chalarni sayr qildiradi. Sayr vaqtida tarbiyachi istagan xonadon oldida to‘xtaydi va bolalar diqqatini ko‘chaning nomi yozilgan yorliqqa qaratadi. ―Bolalar qarang, bu yorliqda ko‘chaning nomi yozilgan. Har bir xonadonnning o‘z raqami bor. Demak , har bir ko‘chaning nomi, har bir xonadonning o‘z raqami bo‘lar ekan. Bu ko‘chaning nomi ―Olmazor‖ ekan. Xonadon raqami 6 ekan. Kim o‘zi yashayotgan ko‘chasining nomini biladi? (Bolalar javoblari)

Ko‘chalarga qarang, toza, daraxtlar, gullar eqilgan . Bu gullarni, daraxtlarni parvarish qilishda sizning aka-opalaringiz yordam beradilar.

Ko‘chalarimizdan mashinalar yuradi. (Ko‘chadan o‘tayotgan mashinalar kuzatish). Ko‘chalarda yurishni o‘z qoidasi bor. Ko‘chalarga e’tibor bering. Ko‘chada mashinalar yuradigan joylari bor. Piyodalar yuradigan tor yo‘laklar bor. Biz doimo mana bu tor yo‘laklardan yurishimiz kerak. Hech qachan ko‘chaning o‘rtasida o‘ynamang. Ko‘chaning o‘rtasida o‘ynash hayotingiz uchun xavfli.