Зулфия номидаги давлат мукофотига номзод

З
НАМУНА
улфия номидаги Давлат мукофотига номзод
(адабиёт йўналиши)


Ҳаётова Мадина Зафар қизи
Самарқанд педагогика коллежининг 3-босқич ўқувчиси

2000 йил 21 апрелда Пастдарғом туманида туғилган, миллати ўзбек.

Фанларни аъло ўзлаштириши билан бирга адабиётнинг публицистика йўналишида ижод қилади. Ҳикояларида она Ватанга муҳаббат, дўстларга садоқат, табиатга меҳр туйғулари акс этган.
Ижод намуналари «Ўзбекистон адабиёти ва санъати», «Ёшлик»,
«Тонг юлдузи», «Соғлом авлод», «Гулхан» каби марказий нашрларда мунтазам чоп этилиб, таниқли ёзувчи ва журналистлар эътирофига сазовор бўлмоқда.
2015 йилда «Камалак юлдузлари» болалар ижодиёти фестивалининг республика босқичида «Адабиёт ва публицистика» йўналиши бўйича
1-ўринни эгаллаган.
2016 йили «Камолот» ЁИҲ томонидан ўтказилган «Юрт келажаги» танловининг республика босқичида «Журналистика» йўналиши бўйича ғолиб бўлган.
2017 йилда Ўрта махсус, касб-ҳунар таълими маркази томонидан ўтказилган «Наврўз ва қадриятлар» иншолар танловининг республика босқичида 1-ўринга сазовор бўлган.
Ташкилотчилиги ва изланувчанлиги билан тенгдошларига ўрнак бўлиб келмоқда. Ўзбекистон ёшлар иттифоқи бошланғич ташкилотининг «Матбуот» йўналиши сардори.
2015 йили Ўзбекистон Ёзувчилар уюшмаси томонидан ўтказилган «Истиқлолни куйлайман» бадиий асарлар танловида «Файзли хонадон», «Она азиз, Ватан муқаддас» номли сценарийлари билан қатнашиб, ғолибликни қўлга киритган.
2017 йилда Ўзбекистон Хотин-қизлар қўмитаси томонидан ўтказилган «Ораста қизлар» кўрик-танловининг вилоят босқичида фаол иштирок этиб,
«Энг намунали тарғиботчи» номинацияси ғолиби бўлган.
Коллеж қошида ташкил этилган «Иқтидорли ёшлар» клубида тенгдошларининг ижодий кўникмаларини шакллантиришда ўқитувчиларига яқиндан ёрдам бериб келмоқда.
Ахборот технологияларидан эркин фойдаланади. Ўзбекистон Миллий кутубхонаси веб-саҳифасига жойлаштирилган адабиёт намояндалари асарларини қунт билан ўрганиб келмоқда.
Спортнинг енгил атлетика тури билан шуғулланади. 2016 йилда мамлакатимиз мустақиллигининг 25 йиллиги муносабати билан вилоятда ўтказилган ёшлар марафонида 1-ўринни эгаллаган.