Зиёвуддин Раҳим 2 бисмиллаҳир роҳМАНир роҳийм!

ОХИРАТ КУНИГА ИМОН КЕЛТИРИШ 
Охиратга имон келтириш қабрда икки фаришта савол-жавоб қилишига, қабр азобига, роҳатига, 
охири замон аломатларига, сурга пуфланишига, қиёматда халойиқ (инсонлар, жинлар, ҳайвонлар) қайта 
тирилиб, бир ерга тўпланишига, номаи аъмоллар берилишига, ҳар бир банда амаллари ҳисоб 
қилинишига, мезонда тортилишига, ҳавзга, сирот кўпригига, шафоатга, жаннатдаги неъматларга, дўзах 
азобларига шак-шубҳасиз ишонишдир. 
Охиратга ишонмайдиган одамлар дунё ташвишларига ўралашиб қолади, майда ишлар атрофида 
айланиб юраверади, қиёмат ҳақида ўйламайди, охират ғамини емайди. Қуръонда шундай дейилган: 
"--------------------------- Арабий матн --------------------------" 
“Албатта, Бизга рўбарў бўлишни умид қилмайдиган, дунё ҳаётининг ўзигагина рози бўлиб, 
ўша билан хотиржам бўлган, оятларимиздан ғофил қолган кимсалар, ана ўшаларнинг жойлари – 
касб қилган гуноҳлари сабаб – дўзахдир!”
(“Юнус” сураси, 7-8-оятлар). 

---

54 
Қиёмат куни Аллоҳга ҳисоб беришга ишонмайдиган, мана шу ўткинчи ҳаёт билан овуниб, моддий 
ютуқлардан маст кимсалар жаҳаннам азобига дучор бўлади. Чунки улар гуноҳ-маъсият ботқоғига ботиб, 
фақат дунё ташвишида яшади, Аллоҳга ибодат қилмади. 
Бундай кимсалар фақат дунё учун борини беради, ўткинчи ҳаётда маза қилиб қолиш пайида бўлади, 
ҳалол нима, ҳаром нима, дин-диёнат нима, парво қилмайди. Улар лаззатларга берилади, охиратни 
ўйламайди, ўлимни эсламайди. Мўминлар Аллоҳни ёд этиб маза қилишса, улар моддият оламидан 
ҳузурланишади, фикру хаёлларида фақат беш кунлик дунё. Бошқа ташвишлари йўқ уларнинг. Қуръон 
мана шундай манқурт одамларга ўхшаб қолмасликка чақиради. 
Аллоҳ таоло шундай деган: 
“--------------------------- Арабий матн --------------------------“ 
“Албатта, 
(қиёмат)
соати келувчидир. У ҳақида шак-шубҳа йўқ. Лекин кўп одамлар 
(унинг 
келишига)
 ишонмайди”
(“Ғофир” сураси, 59-оят).
Бошқа ўринда шундай дейилган: 
“--------------------------- Арабий матн --------------------------“