Зиёвуддин Раҳим 2 бисмиллаҳир роҳМАНир роҳийм!

ЖИНЛАРНИНГ БОШҚА ХУСУСИЯТЛАРИ 
1. Жинлар ҳам таом ейди. Бироқ овқатни қандай ейишлари маълум эмас. Жинларга тезак, суяк 
таом қилиб берилган. 
Жобир ибн Абдуллоҳ розияллоҳу анҳу ривоят қилади: “Расулуллоҳ соллаллоҳу алайҳи ва саллам 
бизни суяк ёки тезак билан истинжо қилишдан қайтарганлар” (Абу Довуд, Аҳмад, Байҳақий ривояти. 
Ривоят санади саҳиҳ). 
Абу Ҳурайра розияллоҳу анҳудан ривоят қилинишича, у Набий соллаллоҳу алайҳи ва саллам 
билан бирга таҳорат ва бошқа ҳожатлари учун кичик идиш(да сув) кўтариб юрарди. Бир куни 
(Расулуллоҳ соллаллоҳу алайҳи ва саллам) ортларидан келганида, у зот: “Бу ким?” дедилар. У: “Мен, Абу 
Ҳурайраман”, деди. Шунда Расулуллоҳ: “Ундай бўлса, истинжо қилишим учун менга бир нечта тош олиб 
кел. Аммо суяк, тезак олиб келма”, дедилар. (Абу Ҳурайра айтади:) “Кийимим четида бир нечта тош олиб 
келиб, ёнларига қўйдим. Кейин узоқроқ кетдим. У зот ҳожат чиқариб бўлганларидан сўнг келиб, “Нима 
учун суяк ва тезак билан истинжо қилиш мумкин эмас?” деб сўрагандим, “У иккиси жинлар таомидир. 
Менинг олдимга Насийбин жинлари гуруҳи келиб, (улар қандай яхши жинлар,) мендан озуқа 
сўрашганди. Мен Аллоҳга дуо қилиб, улар бирон суяк ёки тезак олдидан ўтишса, унда ўзлари учун таом 
топишларини сўрадим”, дедилар” (Бухорий ривояти). 
Насийбин – Арабистон ярим оролидаги жой номи. 
53
Манба: Муҳаммад Саййид Тантовий, “Пайғамбарлар тарихи”, 1-4-китоблар. 

---

155 
Суяк, тезак жинлар фойдаланадиган нарса. Бошқа ривоятларда келишича, суяк жинларга, тезак 
уларнинг чорваларига таом бўлади. 
Абдуллоҳ ибн Масъуд розияллоҳу анҳу ривоят қилади: “Жинлар вакили Расулуллоҳ соллаллоҳу 
алайҳи ва саллам ҳузурларига келиб, “Эй Муҳаммад, умматингизни суяк, тезак, кўмир билан истинжо 
қилишдан қайтаринг. Чунки Аллоҳ таоло уларни бизга ризқ қилиб берди”, деди. Шунда Расулуллоҳ 
соллаллоҳу алайҳи ва саллам бу нарсалар (билан истинжо қилиш)дан қайтардилар” (Абу Довуд ва 
Байҳақий ривояти. Ривоят санади саҳиҳ). 
Насийбин жинлари гуруҳи Набий соллаллоҳу алайҳи ва саллам олдларига Макка даврида – 
ҳижратдан олдин келиб, у зот ўз умматларини суяк, тезак, кўмир билан истинжо қилишдан 
қайтаришларини сўрашган. Расулуллоҳ соллаллоҳу алайҳи ва саллам жинлар илтимосини қабул 
қилганлар, бизларни мазкур нарсалар билан истинжо қилишдан қайтарганлар. 
2. Жинлар ўзидан насл қолдиради. Уларнинг оиласи, жуфти, фарзандлари бўлади. Бу ҳақида 
Аллоҳ таоло шундай деган: 
"--------------------------- Арабий матн --------------------------"