Ўзгартиришларнинг асосий мазмун-моҳияти нимада? Айбига иқрорлик бўйича келишув институти жорий қилинди

7. Кўрсатувларни олдиндан мустаҳкамлаб қўйиш институти киритилди (121-боб).
Кўрсатувларни олдиндан мустаҳкамлаб кўйиш гувоҳ ва жабрланувчини (фуқаровий даъвогарни) ишни судга қадар юритиш босқичида прокурорнинг илтимосига биноан сурок килишдан иборат бўлиб, у ушбу Кодексда назарда тутилган суд муҳокамаси қоидаларига кура суд томонидан амалга оширилади.
Гувоҳни, жабрланувчини (фуқаровий даъвогарни) объектив сабабларга кура (Ўзбекистон Республикасидан ташқарига чиқиб кетиши, уларда жиноят ишини юритишда иштирок этишни истисно киладиган оғир ва давомли касаллик мавжудлиги) ишни судга қадар юритиш ёки суд муҳокамаси чоғида кейинчалик сўроқ қилиш мумкин бўлмай колади деб тахмин қилиш учун асослар мавжуд бўлган ҳолларда, уларнинг кўрсатувлари олдиндан мустаҳкамлаб қўйилиши мумкин.
Суд кўрсатувларни олдиндан мустаҳкамлаб қўйиш тўғрисидаги илтимосномани материаллар келиб тушган пайтдан эътиборан йигирма тўрт соатдан кечиктирмай кўриб чикади ва илтимосномани қаноатлантириш ҳамда суд мажлисини тайинлаш ёки илтимосномани қаноатлантиришни рад килиш тўғрисида ажрим чикаради ва бу ҳақда тарафларга хабар беради.
Илтимоснома каноатлантирилган такдирда, судья кўрсатувларни олдиндан мустаҳкамлаш бўйича суд мажлисини уч суткадан кечиктирмай ўтказади.
Тартиби ва расмийлаштириш:
Гувоҳнинг ёки жабрланувчининг (фукаровий даъвогарнинг) кўрсатувларини олдиндан мустаҳкамлаб кўйишга дойр ҳаракатлар амалга оширилганлиги ҳақида суд мажлисининг баённомаси тузилади.
Тарафлар суд мажлиси баённомасининг кўчирма нусхасини, шунингдек ўз ҳисобидан аудио- ва видеоёзувларни олишга ҳамда суд мажлисининг баённомаси юзасидан ўз мулоҳазаларини беришга ҳақлидир.
Судья суд мажлисининг баённомаси юзасидан берилган мулоҳазаларни дарҳол кўриб чикади ва уларни кабул килиш ёки рад этиш тўғрисида қарор чиқаради.
Суд мажлисининг баённомаси, аудио- ва видеоёзувлар, баённома юзасидан берилган мулоҳазалар ва уларни кўриб чиқиш натижаси бўйича кабул килинган карор жиноят иши материалларига кўшиш учун прокурорга юборилади.