Ўзгалар мулкини талон-торож қилиш тушунчаси ва турлари

Субъектив томондан жиноят фақат тўғри қасд билан содир этилади. Мансабдор шахс битим тузилгунга қадар унинг Республика манфаатлари учун наф келтирмаслигини билиши керак.
Жиноятнинг мотив ва мақсади ҳар хил бўлиши мумкин, аммо у квалификацияга таъсир қилмайди. Агар жиноят содир этилишига айбдорда ғараз ёки бошқа паст ниятлар бўлганлиги аниқланса, бундай жиноятни квалификация қилишда Жиноят кодексининг ҳокимият ва мансаб мавқеидан фойдаланиб содир этиладиган тегишли жиноятлар учун жавобгарликни бел­гиловчи моддалари билан квалификация қилинади. Масалан, агар шарҳланаётган жиноят пора олиш эвазига содир этилган бўлса, айбдорнинг ҳаракатлари жиноятлар мажмуи тариқасида ЖК 175 ва 210-моддалари бўйича квалификация қилиниши керак.
Агар айбдор битим тузиши билан Ўзбекистон Республикасининг иқтисо-дий хавфсизлигига путур етказмоқчи эканлиги аниқланса, унинг ҳаракатлари ЖК 157-моддаси билан давлатга хоинлик қилиш сифатида қўшимча квалификация қилинади
Жиноятнинг субъекти ЖК 175-моддасида кўрсатилган давлат органи, мулкчилик шаклидан қатъи назар корхона, муассаса, ташкилот ёки жамоат бирлашмасининг фақат мансабдор шахслари бўлиши мумкин.
ЖК 175-моддаси 2-қисмида Ўзбекистон Республикасининг манфаатлари-га хилоф равишда битим тузишда айбдор бўлган мансабдор шахс қилмишни:
а) такроран;
б) бир гуруҳ шахслар томонидан олдиндан тил бириктириб содир этганлиги учун жавобгарлик назарда тутилади.
ЖК 175-моддаси 3-қисмида Ўзбекистон Республикасининг манфаатлари-га хилоф равишда битим тузишда айбдор бўлган мансабдор шахс қилмишни:
а) жуда кўп миқдорда зарар етказган ҳолда;
б) уюшган гуруҳ томонидан ёки унинг манфаатларини кўзлаб содир этганлиги учун жавобгарлик назарда тутилади.
ЖК 175-моддаси 4-қисмига мувофиқ, етказилган моддий зарарни уч баравар қоплаган ҳолларда айбдор жазодан озод қилинади.
2.ҚАЛБАКИ ПУЛ, АКЦИЗ МАРКАСИ ЁКИ ҚИММАТЛИ ҚОҒОЗЛАР ЯСАШ, УЛАРНИ ЎТКАЗИШ
Қалбаки пул ёки қимматли қоғозлар ясаш, уларни ўтказишнинг ижти-моий хавфлилиги қоғоз пул ёки қимматли қоғозлар кўпайиб кетишига, яъни пул ва товар массасининг ўзаро мутаносиблигининг бузилишига сабаб бўлади. Муомалада товар билан таъминланмаган қоғоз пуллар пайдо бўлади, бу эса пулнинг қадрсизланишига, иқтисодий беқарорликка сабаб бўлади, давлат иқтисодиётининг асосларига путур етказади.