Ўзэнергоинспекция” хонани кўмир билан хавфсиз иситиш бўйича қЎлланма тошкент 2019 йил

ПЕЧНИ КЎМИР БИЛАН ЁҚИШ
Қўмирни ёқиш учун ёқилғи тагига ғижимланган қоғоз қўйилади, устки қатламига катта бўлмаган ёғоч шохлари тахланади. Шохлар устига катта бўлмаган хажмдаги қуруқ ўтин қўйилади. Ўтинни самарали ёқиш учун, уларни “қудуқ” ёки “чодир” шаклида жойлаштирилиб, ҳаво эркин айланиши учун орасида бўш жой қолдирилиши керак. Қоғозни ёқиш учун оддий гугурт ёки маҳсус баллончиклардан фойдаланиш мумкин.

Печ ёқиш бўлими эшиги ёпилади ва ҳаво тортиш эшиги очилади. Бунинг ёрдамида оловнинг ёнишини назорат қилиш мумкин. Яъни ҳаво оқими қанча кўпайтирилса печдаги аланга шунча кучли бўлади.
Ёғоч ёниб кўмир қатлами хосил бўлгандан сўнг, печга майдаланган кўмир солинади. Печ бўлими эшигини очилганда ҳаво тортиш эшиги ёпиқ бўлиши керак.
КЎМИРНИ ЁҚИШ
Печга солинган кўмир ёнгандан сўнг, ёниш жараёни кузатиб борилади. Агарда печдаги кўмирни оз қисми ёниб бўлган бўлса, у ҳолда кейинги қисмни солиш мумкин. Кўмир ёқилғиси ёниш даражасига қараб қўшилади. Унинг қалинлиги 60 мм дан ошмаслиги керак. Агарда печ пиширгич билан жиҳозланган бўлса, ҳар қандай юкламада ҳаво тортиш камерасини эшиги ёпиқ бўлиши керак. Бу эшик ёпилмаса печдан чиқадиган тутун хонага тарқалиши мумкин. Шу билан бирга, ёқилғи бир ҳил қатламда ёниши керак.

Агар кўмирни сақлаш жараёнида кўп миқдорда кўмир кукуни қолган бўлса, Сиз ундан фойдаланишингиз мумкин. Яъни кўмирнинг асосий миқдори ёниши кутилади ва ундан сўнг маълум миқдорда кўмир кукуни солинади.Ёниш жараёни тугатилгандан сўнг, ҳаво тортиш камерасини эшиги ёпилади. Кўмир ёқилғиси тўлиқ ёниб бўлгандан сўнг дудбўронни ёпиш мумкин.
Печни бирданига қиздириш тавсия этилмайди. Печни белгиланган тартибда аста-секинлик билан иситилса, белгиланган ҳароратни узоқ муддат сақлаш мумкин.
Кўмирни намлик даражасига эътибор қаратиш керак.
Агарда ёқилғи ҳаддан ташқари нам бўлса, хонани иситиш вақтида кам миқдорда иссиқлик тарқатади. Бу эса ўз навбатида нам ҳолатдаги ёқилғини қуритишга кўп энергия сарфлашига тўғри келади.
Оддий печларда тош кўмирнинг ёниш ҳарорати Целсий бўйича минг даражагача кўтарилиши мумкин. Лекин, одатда ҳарорат 600-800 градусдан ошмайди. Уй шароитида ёқилғининг ёниш ҳарорати 500-600 С дан 2100 С гача бўлиши мумкин.