Ўзбкистон республикаси

Venchur korxonalar – bu kichik biznesning bir turi bо‘lib, ular:
- ilmiy muhandislik ishlarini bajarish;
- yangi texnika, texnologiya, tovar namunalarini yaratish;
- ishlab chiqarishni boshqarish;
- tijorat ishini tashkil etish usullarini ishlab chiqish va amaliyotga joriy etish;
- yirik firmalar va davlat ijara kontrakti buyurtmalarini bajarish kabi ishlarni amalga oshiradilar.
Bu vazifalarni ular davlat va yirik firmalar buyurtmasiga binoan kontrakt-bitimlar asosida bajarishadi. Venchur korxonalar texnikaning yangi yо‘nalishlarida faollik kо‘rsatadi va bu bilan fan-texnika taraqqiyotiga о‘z hissasini qо‘shadi.
Ijara korxona – bu mol-mulkni yollash bо‘yicha mulk egasi bilan tadbirkor о‘rtasidagi iqtisodiy munosabat.
Ijara shartnomasiga asosan bir tomon (ijaraga beruvchi) ikkinchi tomonga (ijarachi) ma’lum tо‘lov evaziga va ma’lum shartga kо‘ra mol-mulkini vaqtincha foydalanish uchun beradi.
Ijara haqi mulk egasi mol-mulkining qiymatiga va keltiradigan daromadga bog‘liq bо‘lib, о‘zaro kelishuv bilan belgilanadi.
Yer, uy-joy, savdo-sanoat binolari, sanoat va savdo korxonalari, mashina va uskunalarni ijaraga berish va olish jahondagi kо‘pgina mamlakatlar uchun xosdir.
Bugungi kunda sanoat va boshqa sohalarda ijara korxonalari paydo bо‘la boshladi va mulkni davlat tasarrufidan chiqarishning bir kо‘rinishi bо‘lib, ijara muddati davrida kor­xona jamoasi shu korxona mulkining egasi bо‘lib qoladi.
Konsalting – bu ishlab chiqarishga ish yuzasidan xizmat kо‘rsatish sohasida ixtisoslashgan firmalarning о‘z mijozlariga maslahat xizmati kо‘rsatish va texnik loyihalarni ekspertiza qilish bilan bog‘liq iqtisodiy faoliyatdir.
Konsalting firmalarining asosiy vazifalari quyidagilardir:
- tadbirkorlik tashabbuslarini amalga oshirish uchun sheriklar tanlash;
- maslahatchilik tashkilotlarining taraqqiy topishiga va xorijiy investitsiyalarni jalb etishga kо‘maklashish;
- yagona axborot-sо‘rovnoma fondini yaratish va yagona rek­lama strategiyasi (yо‘nalishi)ni amalga oshirish yо‘li bilan ularning a’zolari faoliyatini umum maqsadlar yо‘lida jamlash va hokazo.
Konsalting firmalarining kichik biznes sohasida keng tarqalgan maslahat xizmatlari quyidagilardan iborat:
- barcha mulk shakllaridagi korxonalarni rо‘yxatga olish uchun ta’sis hujjatlarni tayyorlash bо‘yicha maslahatlar berish;
- marketing bо‘yicha izlanishlar о‘tkazish;
- xususiylashtirish, aksiyadorlashtirish dasturlarini ishlab chiqish;
- tashqi iqtisodiy faoliyat bо‘yicha maslahat berish;
- reklama strategiyasini ishlab chiqish, reklama materiallarini tayyorlash va ularni tarqatish;
- huquq, moliya va boshqaruv masalalari bо‘yicha maslahatlar berish;
- intellektual mulkni himoya qilish masalasi bо‘yicha maslahatlar berish;
- ishchi xizmatchilarni tayyorlash va malakasini oshirish;
tadbirkorlik va kichik biznesni taraqqiy toptirishga xizmat qiluvchi tadbirlarni о‘tkazish;
- firma ish uslubini ishlab chiqish;
- xavfsizlik texnikasi, ishlab chiqarish sanitariyasi, madaniyat, atrof-muhitni himoya qilish masalalari bо‘yicha maslahatlar berish;
- investitsiyalarni jalb qilish, imtiyozli kredit olish, zaruriy resurslarni va kapitallarni sotib olish bо‘yicha maslahatlar berish va h.k..