Ózbekstan Respublikasınıńda nizamlardıń qabil etiliwi hám talim-tarbiya tarawina tiyisli nizam hujjetleriniń jetilistiriliwi

1.2.4. Kadrlar tayarlaw Milliy baǵdarlamasınıń wazıypaları:

-Bilimlendiriw sistemasın reformalaw,mámleketlik hám mámleketlik emes bilimlendiriw mákemeleri hám de bilimlendiriw hám kadrlar tayarlaw tarawında xoshametlew ortalıǵın qáliplestiriw;

-bilimlendiriw sistemasın jeke oqıw-ilimiy-islep shıǵarıw jıynaǵı sıpatında izshil rawajlandırıwdı támiyinlew;
-kadrlar tayarlaw sisteması mákemelerin joqarı tajiriybeli qánigeler menen támiyinlew,pedagogikalıq xızmetiniń abıroyı hám sosiallık statusın kóteriw;
-bilim alıwshılardıń mánawiy-ádep ikramlılıq jaqtan tárbiyalawdıń hám aǵartıwshılıq islerdiń nátiyjeli formaları hámde usılların islep shıǵıw hám engiziw;
-jańa sosiallıq –ekonomikalıq sharayatlarda bilimlendiriwdiń talap etiletugın dárejesi hám sapasın,kadrlar tayarlaw sistemasınıń ámelde háreket etiwi hám turaklı rawajlanıwınıń kepilligin ,ustinligin támiyinlewshi normativ, materiallıq – texnika hám maǵlıwmatlar bazasın jaratıw;
-úzliksiz bilimlendiriw hám kadrlar tayarlaw sistemasına byudjetten tıskarı qarjılar,sonıń menen birge shet el investisiyaların kirgiziwdiń real mexanizmlerin islep shıǵıw hám ámeliyatka engiziwden ibarat.
Úzliksiz bilimlendiriw kadrlar tayarlaw sistemasının tiykarı Ózbekstan Respublikasının sosial-ekonomikalıq rawajlanıwın támiyinlewshi, shaxs, jámiyet hám mámlekettiń ekonomikalık,sosiallık, ilimiy-texnikalık hám mádeniy mutajliklerin kanaatlandırıushı joqarı taraw.
Úzliksiz bilimlendiriwdi shólkemlestiriw hám rawajlandırıw prinsipleri: bilimlendiriwdiń ústinligi onıń rawajlanıwınıń birinshi dárejeli áhmiyetke iye ekenligi, bilim, bilimlendiriw hám joqarı intellekttiń abıroyı;
Bilimlendiriwdiń insanpárwarlasıwı insan qábiletlerinin ashılıwı hám onın bilimlendiriwge qaraǵanda hár tárepleme mútájlikleriniń qanaatlandırılıwı, milliy hám ulıwmainsanıy qádiriyatlar ustinligin támiyinleniwi, insan, jámiyet hám qorshaǵan ortalıq ózara munasibetlerinin uyǵınlasıwı.
Bilimlendiriwdiń milliy baǵdarlanǵanlıǵı bilimlendiriwdiń milliy tariyx, xalıq dástúrleri hám úrip-ádetleri menen úzliksiz uyǵınlıǵı, Ózbekstan xalıqlarınıń mádeniyatın saqlap kalıw hám bayıtıw, bilimlendiriwdi milliy rawajlanıwdıń júdá áhmiyetli faktorı sıpatında kórsetiw, basqa xalıklardıń tariyxı hám mádeniyatın húrmetlew;
Talantlı jaslardı anıqlaw,olarǵa bilimlendiriwdiń eń joqarı dárejesinde, izshil ráwishte fundamental hám arnawlı bilim alıwları ushın shart-sharayatlar jaratıw.
Úzliksiz bilimlendiriw tarawında reformalar tómendegilerdi názerde tutadı:
-mámleketlik hám mámleketlik emes bilimlendiriw mákemeleriniń hár qıylı túrlerin rawajlandırıw;
-májbúriy ulıwma orta bilimlendiriwden orta arnawlı,kásip-óner bilimlendiriwine ótkeriliwin támiyinlew;
-aldıńǵı texnologiyalardı keńnen ózlestiriw, ekonomikadaǵı quramlıq ózgerisler, shet el investisiyaları kólemleriniń keńeyiwi ,isbilermenlik, kishi hám jeke biznesti rawajlandırıw menen baylanıslı jańa kásip-óner hám qániygelikler boyınsha kadrlar, sonıń menen birge baskarıw sisteması kadrların tayarlaw, qayta tayarlaw hám olardıń qániygeligin arttırıw;
-bilimlendiriwdi baskarıw sistemasın jetilistiriw, jámáát baskarıwı formaların rauajlandırıw, bilimlendiriw mákemelerin aymaqlastırıw;
-bilimlendiriw prosessin hám kadrlar tayarlaw sıpatında xalıs baha beriw sistemasın jaratıw hám engiziw;
-úzliksiz bilimlendiriwdi pán hám islep shıǵarıw menen integrasiyalastırıwdıń puxta mexanizmlerin islep shıǵıw hám endi islep shıǵıw hám engiziw;
-jergilikli puqaralıq tiyisli bolmaǵan shaxslar tıǵız jasaytuǵın orınlarda olar óz ana tillerinde bilim alıwı ushın shólkemlestiriwshilik hám pedagogikalıq shárt- sharayatlar jaratıw.
Milliy baǵdarlamada kadrlardıń qánigeligin arttırıw hám olardı qayta tayarlaw sistemasın shólkemlestiriw hám rawajlandırıw ushın:
-kadrlar qánigeligin arttırıw hám olardı qayta tayarlaw sisteması xızmetinde jańasha quram, mazmun hám de bul sistemanı basqarıwdı qáliplestiriw;
-joqarı tájiriybeli oqıtıwshı-qánige kadrlar tayarlaw hám tarawdı olar menen tolıqtırıp barıwdı támiynlew;
-kadrlardıń qánigeligin arttırıw hám olardı qayta tayarlaw sistemasınıń bul tarawda xoshametlewge tiykarlanǵan ortalıqtı qáliplestiriw hám nátiyjeli xızmet alıp barıwdı támiynilewshi normativ bazasın jaratıw;
-kadrlar bilimlendiriw mákemelerin mámleketlik attestasiyası hám akkreditasiyasınan ótkeriw sistemasın islep shıǵıw sistemasın islep shıǵıw hám ámeliyatqa engiziw;
-ekonomikanıń mámleketlik hám mámleketlik emes sektorları, múlkshiliktiń túrli formalarındaǵı shólkem hám mákemelerdiń talap hám mútájliklerine muwapıq kadrlar hám qániygelerdi qayta tayarlaw hám olardıń qániygeligin arttırıwdı támiynlewshi mámleketlik hám mámleketlik emes mákemelerdi shólkemlestiriw hám rawajlandırıwǵa kómeklesiw;
-professional trening aldıńǵı texnologiya hám úskenenlerdi, sonday-aq, qıyın, pán jetiskenliklerin talap etiwshi texnologiya prosessleri imitatorların islep shıǵıw, jaratıw hám ámeliy ózlestirip alıw zárúr.
Kadrlar tayarlaw Milliy sistemasın rawajlandırıwdıń tiykarǵı baǵdarları:
1. bilimlendiriwdiń úzliksizligin támiyinlew;
2. Pedagog hám ilimiy-pedagog kadrlar tayarlaw, qayta tayarlaw hám olardıń qániygeligin asırıw;
3. Bilimlendiriw prosessin mazmunı jaǵınan reformalaw;
4. Mánawiy-ádep-ikramlılıq tárbiya hám aǵartıwshılıq isler;
5. Qábiletli balalar hám talantlı jaslar;
6. Bilimlendiriw sistemasın baskarıw;
7. Kásip-óner bilimlendiriwi sapasın qadaǵalaw sistemasın qáliplestiriw;
8. Bilimlendiriw sistemasın qarjılandırıw;
9. Materiallıq-texnikalıq támiynleniwi;
10. Bilimlendiriw sistemasınıń maǵlıwmatlar bazasın júzege keltiriw;
11. Bilimlendiriw xızmetin kórsetiw bazarın rawajlandırıw;
12. Bilimlendiriw tarawında sosiallıq kepilleniwin támiynlew hám de bul tarawdı mámleket tárepinen qollap-quwatlaw;
13. Pán menen bilimlendiriw prosessiniń baylanısların rawajlandırıw;
14.Islep shıǵarıw hám bilimlendiriw sistemasın integrasiyalasıwın rawajlandırıw;
15.Bilimlendiriw hám kadrlar tayarlaw tarawındaǵı xalıq aralıq birge islesiw.
Kadrlar tayarlawdıń Milliy baǵdarlamasın júzege shıǵarıw tómendegi úsh basqıshqa bólingen edi
Birinshi basqısh (1997 - 2001 jıllar) ámeldegi kadrlar tayarlaw sistemasınıń statusın saqlap qalıw tikarında bul sistemanı reformalaw hám rawajlandırıw ushın huqıqıy, kadrlar tárepinen ilimiy-metodik, finanslıq-materiallıq shárt-shárayatlar jaratıw.
Ekinshi basqısh (2001 - 2005 jıllar) Milliy baǵdarlamanı tolıq amelge asırıw, miynet bazarınıń rawajlanıwı hám real sosiallıq-ekonomikalıq shárayatlardı esapqa alǵan halda oǵan anıqlıqlar kiritiw.
Úshinshi basqısh (2005 hám onnan keyingi jıllar) toplanǵan tájiriybeni analiz etiw hám ulıwmalastırıw tiykarında, mámleketti sosiallıq-ekonomikalıq rawajlandırıw keleshekke muwapıq kadrlar tayarlaw sistemasın jetilistiriw hám jáne de rawajlandırıw.
Kadrlar tayarlaw milliy modeliniń tiykarǵı quram bólekleri sıpatında shaxs, mámleket hám jámiyet, úzliksiz bilimlendiriw, ilim, islep shıǵarıw belgilengen.
Usı úlgide shaxs-kadrlar tayarlaw sistemasınıń bas subyekti hám obyekti sıpatında, úzliksiz bilimlendiriw sistemasında bilim alıw arqalı barkamal, joqarı mánawiyatlı, kásip-ónerli hám ilimli bolıwı nátiyjesinde Watan rawajlanıwına múnásip úles qosatuǵın, xalıq parawanlıǵı jolında xızmet etetuǵın, milletler ara tatıwlıq hám jurt tınıshlıǵın saqlaytuǵın, dúnya jámiyettegi kásiplesleri menen sosiallıq birge islesiwdi ámelge asıratuǵın, milliy hám ulıwma insanıy qádiriyatlarǵa húrmet arqalı ǵárezsizlik prinsiplerine sadıqlıǵın támiynlew názerde tutılǵan.
Mámleket hám jámiyet-úzliksiz bilimlendiriw sisteması aldında mámleket hám sosiallıq buyırtpalardı qoyıw hám olardı ámelge asırıw ushın zárúr bolǵan materiallıq-texnika bazasın jaqsılaw barısında, kadrlar tayarlaw sistemasınıń xızmetin tártipke salıw hám qadaǵalaw, attestasiya hám akkreditasiyadan ótkeriw, mútájlikke muwapıq kadrlar tayarlaw hám olardı jumıs penen támiyinlewdi ámelge asıradı.
Úzliksiz bilimlendiriw sisteması óz aldına qoyılǵan mámleketlik hám sosiallıq buyırtpalarǵa muwapıq tájiriybeli, básekeles kadrlar tayarlaw tiykarǵısı esaplanıp, bilimlendiriwdiń túrleri ushın mámleket bilimlendiriw standartları, bilimlendiriw-tárbiya prosessin shólkemlestiriwdiń usıllıq-metodikalıq tiykarların islep shıǵıw, kadrlar tayarlaw sistemasın normativlik tiykarları hám iskerlik kórsetiw ortalıǵın jaratadı.
Kadrlar tayarlaw milliy modelinde pánniń ornı sheksiz bolıp, joqarı tájiriybeli qániygeler tayarlaw, bilimlendiriw nátiyjeliligin arttırıwǵa tiykar jaratatuǵın aldıńǵı pedagogikalıq hám axborot texnologiyalarıń islep shıǵıw, olardı bilimlendiriw-tárbiya prosessin hám islep shıǵarıwǵa endiriwdi támiynlewi zárúr.
Islep shıǵarıw kadrlarǵa bolǵan mútájlikti qáliplestiriwshi, sonday-aq, olardıń tayarlıq sıpatı hám sapasına qaraǵanda qoyılatuǵın talaplardı belgilewshi tiykarǵı buyırtpashı sıpatında kadrlar tayarlaw sistemasın finanslıq hám materiallık texnikalıq tárepten támiyinlew prosessiniń qatnasıwshısı esaplandı.
Mámleket hám jámiyet Respublikamızdaǵı bárshe puqaralardıń úzliksiz bilimlendiriw sisteması boyınsha bilim alıwı, kadrlar tayarlaw sistemasında shólkemlestirilgen bilimlendiriw-tárbiya prosessiniń zaman talaplarına más ráwishte shólkemlestiriliwi, turmıs ózgerislerine biyimlesiwin támiyinleydi.
Búgingi kúnde baǵdarlamada belgilengen basqıshlar hám kadrlar tayarlaw sistemasın rawajlandırıwdıń tiykarǵı baǵdarları boyınsha ótken dáwirlerde ámelge asırılǵan islerdi esapqa alıw hám kelshektegi wazıypalardı belgilew, búgingi kúnniń aktual mashqalalarınan biri esaplanadı. Ózbekstan Respublikasında úzliksiz bilimlendiriw sisteması, kadrlar tayarlaw milliy modelin engiziwdiń normativ, sonıń menen bir qatarda ilimiy- teoriyalıq tiykarı bolǵan “Kadrlar tayarlaw milliy baǵdarlaması haqqında” ǵı Nızamınıń qabıl etilgenligine de 20 jıl boldı.
Respublikamızda úzliksiz bilimlendiriw sisteması járiyalanǵannan beri hár biri boyınsha salmaqlı isler ámelge asırıldı. Úzliksiz bilimlendiriw sisteması túrler bilimlendiriw sisteması túrleri arasında bilimlendiriw mazmunınıń úzliksizligi hám izshilligin ámelge asırıw maqsetinde pánler boyınsha ózinshelikke iye bolǵan hám modernizasiyalanǵan MBS hám oqıw baǵdarlamaları islep shıǵıldı hám ámeliyatta qollanılmaqta.
Úzliksiz bilimlendiriw sistemasınıń dáslepki túri bolǵan mektepke shekemgi bilimlendiriwde barkamal shaxstı kámalǵa keltiriwge fundament jasap atırǵan úlkemiz “Úshinshi mıń jıllıq balası” baǵdarlaması arqalı jas áwladttıń salamat, hár tárepleme kámal tawıp qáliplesiwi támiynlenbekte, olarda Watanǵa muhabbat, bilim alıwǵa umtılıw tuyǵısın oyatıw arkalı álemdi tanıw, dúnya qarasın qáliplestiriw barısında izshil hám úzliksiz bilimlendiriw-tárbiya prosessin shólkemlestiriwdi jolǵa qoyılǵan. Mektepke shekemgi bilimlendiriwdiń tiykarǵı wazıypası ámelge asırıwda mámleketlik hám mámleketlik emes mektepke shekemgi tárbiya balalar mákemeleri, shańaraqlar kósheler, jámáát hám qayırqomlıq shólkemleri, xalıq aralıq fondlardıń ornı sheksiz.
Ǵárezsizlik jıllarında ulıwma orta bilimlendiriw sisteması hám mazmunı jańalandı, jańa ulıwma bilimlendiriw mekteplerinde oqıtılatuǵın pánler boyınsha úzliksizlendirilgen hám modernizasiyalanǵan MBS hám okıw baǵdarlamaları islep shıǵıldı hám ámeliyatqa engizildi. Bul MBS hám baǵdarlamalarda akademik liseyler hám kásip-óner kolledjlerinen keyin alınatuǵın bilimlendiriw dástúrleri menen logikalıq baylanıslılıǵı esapqa alındı.
Oqıwshılardıń qábiletleri hám imkaniyatlarına muwapıq ráwishte bilimlendiriwge teoriyalıq hám ámeliy tárepten úyreniw, muzıka hám sportqa qániygelestirilgen mektepler shólkemlestirildi, bilimlendiriw-tárbiya prosessinde aldıńǵı pedagogikalıq hám axborot texnologiyalarınan paydalanıw júzesinen zamanagóy oqıw-metodikalıq jıynaqlar jaratıw arqalı bul prosess didaktikalıq tárepten támiyinlendi.
Respublikamızda shólkemlestirilgen Аnaliz orayıları xızmeti arqalı oqıwshılar kásip-óner tańlaw hám qániygeler tárepinen pedagogikalıq - psixologiyalıq másláhátler alınıwı támiyinlenbekte.
Qábiletli oqıwshılardıń mútájligi hám qızıǵıwshılıǵına muwapıq dúziletuǵın bilimlendiriw-tárbiya prosessiniń nátiyjeliligi hár jılı ótkeriletuǵın okıw pánleri boyınsha “Bilimler sınawı” arqalı anıqlanbaqta. Okıwshılar kásip-ónerge baǵdarlawda bul sınaw áhmiyetli orın tutpaqta.
Pedagogikalıq kadrlardıń xızmetin xoshametlew hám materiallıq qollap quwatlaw maqsetinde hár jılı oqıw pánleri boyınsha “Jıldıń eń jaqsı pán oqıtıwshısı” tańlawı ótkerilmekte. Respublika tańlawı jeńimpazlarınan saltanatlı xoshametleniwi olardıń óz kásiplik sheberliklerin arttırıwǵa bolǵan motivlerin kúsheyttiredi.
Búgingi kúnde respublikada 9779 ulıwma orta bilimlendiriw mektepleri xızmet alıp barmaqta. “2004-2009 jıllarda Mektep bilimlendiriwin rawajlandırıw Mámleketlik ulıwma milliy baǵdarlaması” talapların ámeliyatqa engiziw prosessinde 8500 den zıyat mektep qurıldı hám kapital remontlandı. Bul maqsetler ushın 1,4 trillion sum qarjı sarıplandı. Bul bilimlendiriw mákemeleriniń 6887 si awıl xojalıq aymaqlarında, 288 inabatqa alınatuǵın bolsa, orınlanǵan isler salmaǵı haqqındaǵı kóz qaraslar jáne de aydınlastı. Bir ǵana 2011-jıldıń ózinde 46 mıń 300 den artıq oqıwshıǵa mólsherlengen 166 jańa mektep qurıldı, 151 mektep kapital ońlandı. 852 mektepte zamagóy oqıw-kompyuter klassları dúzildi.
“2009-2014 jıllarda Mektep bilimlendiriwin rawajlandırıw Mámleket Ulıwma milliy baǵdarlaması”na kóre, arnawlı islep shıǵılǵan zamangóy rejeler tiykarında mámleketimizdiń barlıq territoriyalarında 278 balalar muzıka hám kórkem óner mektepleri, 2 respublika qániygelestirilgen muzıka akademikalıq liseyinde qurılıs -ońlaw hám materiallıq –texnikalıq bazasın xalıq aralıq standartlarǵa más ráwishte shólkemlestiriw isleri dawam ettirilmekte. 2009- 2011 jıllarında 119 jańa balalar muzıka hám kórkem óner mektepleri qurılıp, paydalanıwǵa tapsırıldı.
Mektep oqıwshılarınıń sabaqlıqlar menen támiyinleniw dárejesi ótken jigirma jıl dawamında 55,4% ten 99,4 % ke arttı. Kem támiyinlengen shańaraqlardıń perzentleri bolsa mámleket tárepinen sabaqlıqlar menen biypul támiynlenbekte.
Mámleketimizde xızmet kórsetetuǵın ulıwma orta bilimlendiriw mektepleriniń derlik bárshesi jańadan qurılǵan hám kapital ońlanǵan 9,5 mıń mektep zamanagóy oqıw–laboratoriya ásbap úskeneleri menen qurallandı. Házirgi wakıtta 9 mıń 400 den zıyat mekteplerdiń 96% ZiyoNet elektron-axborot tarmaǵına jalǵanǵan.
Xalıq bilimlendiriw ministrligi janında dúzilgen “Multimedia ulıwma milliy baǵdarlamasın rawajlandırıw” orayında búgingi kúnge kelip 20 elektron sabaqlıq, 40 viziual laboratoriya isleri hám 113 túrli multimedialı resurslar jaratılıp, bilimlendiriw prosessine jemisli engilizildi.
Ulıwma bilimlendiriw mekteplerinde usı jıllar ishinde 1074 Málimleme-resurs orayları shólkemlestirilip, zárúr texnikalıq qurallar menen tolıq támiyinlendi. Bul oraylardıń kitap fondı 7. 960.840 nusxanı quraydı. Buǵan qosımsha ráwishte Málimleme-resurs oraylarında 95.645 dana elektron sabaqlıqlar bar.
Búgingi kúnde mámleketimizde mektep bilimlendiriwi 7 tilde - ózbek, qaraqalpaq, rus, qazaq, qırǵız, túrkmen hám tájik tillerinde alıp barılmaqta . Kadrlar tayarlaw milliy modelin ámeliyatqa izshil engiziw dáwirinde bilimlendiriw mine usı tillerde alıp barılatuǵın barlıq mektepler jańa mazmundaǵı oqıw baǵdarlamaları, sabaqlıqlar, okıw qollanbaları menen támiynlenedi.
Kadrlar tayarlaw milliy modelin ámeliyatqa aljaspay engiziwde úzliksiz bilimlendiriw sistemasınıń barlıq basqıshlarında oqıtıwshı-pedagoglar quramın tayarlaw, olardıń qániygeligin arttırıw sistemasın qayta shólkemlestiriw, oqıw mákemeleriniń oqıw-metodikalıq bazasın pútkilley qayta kórip shıǵıw tiykarında zamanagóy talaplarǵa juwap beretuǵın jańa standartlar, sabaqlıq hám oqıw-metodikalıq qollanbalardı jaratıw, tastıyıqlaw boyınsha keń kólemli isler ámelge asırıldı, bilimlendiriw tarawı xızmetkerleri iskerligin haqqanıy bahalaw hám xoshametlew imkaniyatın jaratıwshı kriteriyalar sisteması tiykarlandı. Búgingi kúnde olardıń kásiplik iskerilikleri nátiyjesi, bilim, uqıplılıq hám sheberlik dárejesi kóp ballıq sistema tiykarında bahalap kelinbekte.
Milliy modeldi ámeliyatqa izshil engiziwdi támiyinlewde bilimlendiriwdiń qarjılastırılıwıda áhmiyetke iye. Búgingi kúnde respublikamızda bilimlendiriw tarawın rawajlandırıw, reformalaw ushın jumsalıp atırǵan jıllıq qárejetler muǵdarı jalpı ishki ónimniń 10-12 % quraydı. Sistemanıń Mámleketlik byudjeti qárejetlerindegi úlesi bolsa 35% ten artıq qarjını quraydı.
Milliy bilimlendiriw sistemasın rawajlandırıwǵa baǵdarlanǵan sırt el texnikalıq járdemlerdiń kólemi, kredit qarjıları muǵdarlarınıń asıp baratırǵanlıǵında ayrıqsha atap ótiw dárkar. Ótken jıllar ishinde sırt mámleketler tárepinen bul barısında kórsetilgen járdem muǵdarı 500 million dollar qarjını quraydı rawajlanıw banki, Jáhán banki, OPEK fondı, Saudiya fondı, Islam rawajlanıw banki, Qubla Koreya hákimiyatı, Germaniya hákimiyatı “KFV” bankiniń milliy bilimlendiriw sistemasın reformalaw hám rawajlandırıwǵa kórsetip atırǵan járdemin ayrıqsha kórsetip ótiw maqsetke muwapıq boladı. Olardıń milliy bilimlendiriw sistemasın rawajlandırıwǵa qosqan úlesi tómendegishe: Аziya rawajlanıw banki - 290 million dollar; Jáhán banki 33 million; OPEK fondı, Sawdiya fondı hám Islam rawajlanıw banki -42 million; Qubla Koreya - 110 million; Germaniya hákimiyatı “KFV” bankiniń - 20 million; basqa donorlar - 100 million.
Búgingi kúnde mámleketimizde bilimlendiriw, pán hám mádeniyat baǵdarında xızmet kórsetetuǵın barlıq oqıw mákemeleri Bilimlendiriw portalı hám Internet xalıq aralıq baylınıs tarmaǵına jalǵanǵan. Sol sebepli pedagog hám oqıtıwshılar bilimlendiriw prosessinde aralıqtan turıp oqıtıw (aralıqtan oqıtıw)dı nátiyjeli shólkemlestiriw imkaniyatına iye.
Kadrlar tayarlaw milliy baǵdarlamasınıń ornı hám áhmiyetli bolıwı múmkin:
1. Kadrlar tayarlaw milliy baǵdarlaması hám onıń modelin ámelge asırıw milliy hám ulıwma insanıy qádiriyatlar tiykarında bilimlendiriw-tárbiya prosessin zamanagóy basqıshqa kóteriwge qaratılǵan.
2. Kadrlar tayarlaw milliy baǵdarlaması ámeliyatqa engiziw Ózbekstannıń xalıq aralıq maydanda múnásip orın iyelewinde áhmiyeti kúshli.
3. Kadrlar tayarlaw milliy baǵdarlaması milliy ǵárezsizlik idesınıń tiykarǵı túsinik hám prinsiplerine sáykes kelip, olardıń hár biri bárkamal awladtı qáliplestiriwge qaratılǵan.
4. Kadrlar tayarlaw milliy baǵdarlamasınıń ámelge asırılıwı mámleketimizde demokratiyalıq reformalardı jáne de tereńlestiriw hám pukaralık jámiyetin rawajlandırıw konsepsiyasında belgilep berilgen aldıńǵı wazıypalar orınlanıwın tolıq támiyinlewge xızmet etedi.
Mámleketimizde bilim alıwshılardı mánawiy-ádep-ikramlılıq tárbiyalawdıń aǵartıwshılıq islerin nátiyjeli túrleri hám de metodları islep shıǵılıp ámeliyatqa engizilmekte.
5. Bilimlendiriw hám kadrlar tayarlaw barısında bilimlendiriw mákemelerin attestasiyadan ótkeriw, akkreditasiyalawdıń nátiyjeli sisteması júzege keldi.
Juwmaqlap aytqanda, joqarıda atap ótilgen jaǵdaylardıń barlıǵı kadrlar tayarlaw milliy modeliniń puxta oylanǵan, nátiyjeli model ekenligin tastıyıqlaydı. Milliy modeldiń ámeliy qunı onıń Ózbekstanda sosiallıq rawajlanıwınıń támiyinleniwindegi orın hám roli menen belgilew múmkin.