%zbekstan respublikasi a

Kerekli a`spab ham u`skeneler: farfor keli ha`m kelisap, tesiksheleri 1-0,25 mm bolg`an arnawlı eleksheler, topıraqtı jayıw ushın brezent, faner yaki karton qag`azı, sızg`ısh, qa`lem, da`pter, ruchka, o`shirgish.

Jumıstın` barısı: Daladan alıp kelingen ha`m laboratoriya sharayatında hawa na`mligine shekem keptililgen topıraqtan 1-2 kg a`tirapında alıp, iri kesekleri qol ja`rdeminde maydalanadı, usı topıraqqa jat na`rseleri (shiyshe, gerbish, gu`ze sınıqları, iri tamırlar, iri nasekomalar qaldıqları h.t.b) alıp taslanadı, olardın` salmag`ı o`z aldına o`lshenip alınadı. Topıraq ulgisi karton (faner yaki brezent) u`stine 0,5-1,0 sm qalın`lıqta kvadrat formasında jayıladı. Son`ınan kvartalaw metodı menen karton (faner yaki brezent) u`stindegi topıraq u`lgisi sızg`ısh ja`rdeminde ten`dey etip to`rt bo`lekke ajıratıladı. Bunnan son` karton (faner yaki brezent) u`stindegi topıraqtın` ten`dey to`rt bo`leginen eki qarama qarsı bo`limi alınıp qalg`anı burıng`ı topıraq alıp kelingen ıdısqa qaytadan salınıp qoyıladı. Analiz ushın alıng`an topıraq laboratoriyalıq farfor keli ishine salınıp, rezina kiygizilgen kelisap yaki ag`ash kelisap ja`rdeminde abaylap eziledi, bunda topıraqtın` mexanikalık bo`leksheleri maydalanıp ketpewi kerek. Bunnan son` maydalang`an topırag`ımız diametri 1mm (shirindini anıqlaw ushın 0,25mm) elekten o`tkeriledi. Elekten o`tkerilgen topıraq u`lgisi karton (faner yaki brezent) u`stine qol yaki sızg`ısh ja`rdeminde tegis etip jayıladı ha`m ten`dey etip mayda kvadrat formasındag`ı bo`lekshelerge ajıratıladı. Son`ınan shpatel yaki qasıqsha ja`rdeminde ha`r bir kvadrattın` ishinen qasıqsha yaki shpateldin` ushı menen topıraq alınıp onın` salmag`ı 300-600 grammg`a jetkeriledi. Bunday usıl menen alıng`an topıraq u`lgisi shiyshe bankag`a yaki karton karobkag`a salınadı, ishine topıraq analizinin` atı, u`lginin` alıng`an orını, kespe (razrez) nomeri, alınıw teren`ligi, sa`ne, u`lgi alıwshının` familiyası, atı jazılıp, qolı qoyılıp etiketka salınadı, awızı bekkemlenip jabıladı, sırtına da tap usınday etip qag`azg`a jazılıp shiyshe yaki karton karobka sırtına jabıstırıladı. Bul ortasha u`lgi bolıp esaplanadı, bunday etip saqlang`an topıraqtın` qa`siyetleri ha`m quramı o`zgermeydi ha`mde keyingi topıraq analizleri ushın analitik u`lgiler mine usı u`lgiden alınadı.