Ózbekstan Respublikası Xalıq bilimlendiriw ministrligi tárepinen

46-§. Rawajlanıwdıń ulıwma nızamlıqları. Biogenetikalıq 
nızam. Embrionlardıń uqsaslıq nızamı
Barlıq kóp kletkalı organizmler bir tuxımlanǵan máyek
kletkadan (zigota) rawajlanadı. Bir tipke jatatuǵın organizmler 
zarodıshınıń rawajlanıwı kóp jaǵınan uqsas. Barlıq xordalı hay-
wanlardıń embrional rawajlanıw dáwirinde ishki skelet — xorda 
qáliplesedi; nerv nayı payda boladı, jutqınshaǵınıń aldınǵı 
bóliminde saǵaq jarıqları payda boladı. 
Omırtqalılardıń dáslepki rawajlanıw basqıshları júdá uqsas 
(48-súwret). Bul dáliller k.Ber tárepinen embrionlardıń uqsaslıq 
nizamında alǵa súrilgen. 
embrionlardıń uqsaslıq nizamınıń dálili: «embrion dáslepki 
rawajlanıw dáwirinde tip ushın ulıwma belgileri jaǵınan uqsas 
boladı». Hár qıylı sistematikalıq toparlarǵa jatatuǵın orga-
nizmler zarodıshınıń rawajlanıwınıń uqsas bolıwı, olardıń 
kelip shıǵıwınıń bir ekenliginiń dálili boladı. keyin embrional 
rawajlanıwda klass, tuwıs, túr hám eń aqırında usı individ 
ushın tán bolǵan belgiler rawajlanadı. embrionnıń rawajlanıw 
procesinde belgilerdiń ajıralıwı