Ózbekstan respublikasí xalíQ BILIMLENDIRIW MINISTRLIGI QARAQALPAQSTAN RESPUBLIKAI xalíq bilimlendiriw xízmetkerlerin qayta tayarlaw hám olardíŃ QÁnigeligin arttíRÍw aymaqlíq orayí

ÓZ-ÓZIN BAHALAW METODI

Men qanday basshıman

Meniń dógeregimdegiler men haqqımda

Meniń dostım men haqqımda

Ózińiz 3 unamlı 3 unamsız qásiyetlerińizdi jazıń

Dógeregińizdegilerdiń siz haqqında bildirgen 3 unamlı 3 unamsız qásiyetlerdi jazıń

Dostıńızdıń siz haqqında bildirgen 3 unamlı 3 unamsız qásiyetlerdi jazıń

Sorawlarǵa juwaplar jazıp bolınǵannan keyin ózińizniń unamsız qásiyetlerińizdi kemeytiwge, unamlı qásiyetlerińizdi jetilistiriwge háreket etiń.

Ámeliy shınıǵıwdan keyin Basshılıq processinde basqarıw iskerliginiń ruwxıy-etikalıq normaları, basshı ádebiniń printspları hám qádiriyatları, zamanagóy basshı kadrlarǵa qóyılıp atırǵan talaplar, basshı shaxs ruwxıylıǵın qáliplestiriwdiń etikalıq tiykarları, basshınıń ruwxıy túsine qarsı illetlerdiń kórinisleri, basqarıw processinde júzege keletuǵın mápler dúgisiwiniń aldın alıw mexanizmlerı, xızmet maydanınan munasibet qaǵıydaları, basqarıw mádeniyatınıń mazmun-mánisi, Basqarıw ámeliyatında etikalıq tańlawdı ámelge asırıw menen baylanıslı jaǵdaylarda alınǵan bilimlerdi qóllaw, basshılıq iskerliginde hadallıq, pidayılıq, biyǵárezlik, jurtın súyiwshilik, ádalat táreptarı, xızmet minneti, sociallıq juwapkershilik, ózine hám basqalarǵa salıstırǵanda qattı talap etiwshilik sıyaqlı qádiriyatlarǵa súyeniw kónlikpeleri haqqında maǵlıwmat beriledi.
Basqarıw usılı - bul hár bir basshınıń basqarıw processinde qollawshı ózine say usıl hám háreketleri ekenligi, Basshı tek ózine say qásiyet hám sıpatlar járdeminde tek ózine say usılda jumıs júrgiziwi hám basqarıwda qollanatuǵın usıllar, olardıń bir-birinen ayırmashılıǵı, unamlı hám unamsız tárepleri haqqında qısqasha maǵlıwmat beriledi.
Н ачало формы
Shınıǵıwdıń keyingi bólegi kishi toparlarda islew menen dawam ettiriledi.

Shınıǵıw processinde gruppa 3 dana kishi toparlarǵa bólinedi. Ámeliy shınıǵıw baslanıwıdan aldın oqıtıwshı hár bir kishi toparǵa áweli ózlerine berilgen sorawlardı tolıq orınlaw wazıypasın júkleydi hám kishi toparlar ortasında báseki-tartısdı kúsheytiw maqsetinde bir kishi topar basqa bir kishi toparǵa berilgen sorawlar tiykarında mashqalalı soraw hám oy-pikirlerdi beriw múmkinshiligi bar ekenligin de aytıp ótedi. Zamanagóy basshılarǵa qoyılatuǵın talaplar, basshılıq iskerliginde basqarıw kriteryalarına tuwrı kelmeytuǵın unamsız jaǵdaylar jáne onıń saldarları hám jámáát ortasında ruwxıy ortalıqdı jaratıw boyınsha sorawlar beriledi hám toparlardıń pikirleri túsirilgen jazba juwaplar alınadı. Gruppa lideri jámááttiń pikirlerin oqıp esittiredi. Juwaplar doskaǵa jazıp barıladı hám gruppalar ortasında talıqlaw etiledi. Zárúr orınlarda tartıs processine “intellektual hújim”, “soraw-juwap” yamasa “ráwiyat terapiya” sıyaqlı metodlar menen aralasqan halda báseki-tartıstı jáne de janlanıwına túrtki berip (katalizator bolıp) turadı.

Конец формы

Ámeliy shınıǵıw sońında oqıtıwshı tárepinen hár bir kishi topardıń:
‒ tema rejeni ashıp beriwdegi aktivligi;
‒ pikir hám oy-órisiniń turmıslıq hám ilimiy tárepten tiykarlanǵanlıǵı;
‒ kishi topardaǵı tıńlawshılarınıń basqarıw hám pedagogikalıq texnikası;
‒ isendire alıw qábileti;
Joqarı nátiyjelerge erisken topar hám aktiv tıńlawshılar xoshametlenedi. Usı metod arqalı tıńlawshılar erkin, dóretiwshilik hám jámáátlik pikrlewge úyrenedi. Búgingi Basshınıń joqarı ilmiy tájriybege, joqarı mádeniyatǵa ıye bolıwı, keleshekti kóre alıwı hám nátiyjeli islewge múmkinshilik jaratıwshı, jeke intizamǵa ıye bolıw, tapsırılǵan wazıypaǵa juwapkershilik sezimi menen qatnasıw, ideyalardı toplaw, únemlewshi hám isbilermen bolıwı kerekligi haqqında túsinikke iye boladı.