5-§. Videokórinislerdiń kólemin kishireytiwde Format Factory, Freemake video Converter hám Compress video programmalarınan paydalanıw

5-§. Videokórinislerdiń kólemin kishireytiwde Format Factory, Freemake video Converter hám Compress video programmalarınan paydalanıw
Videokórinislerdiń kólemin kishireytiw (English - video compression) - bul televizion signaldı sanlı qısıw texnologiyası bolıp, ol video aǵımın kórsetiw ushın isletiletuǵın maǵlıwmatlar muǵdarın kemeytiwge múmkinshilik beredi. Videokórinislerdiń kólemin kishireytiw translyatsiya kanalları arqalı video uzatıw ushın zárúr bolǵan aǵımdı nátiyjeli túrde kemeytiwi, maǵlıwmatlardı ǵalaba xabar qurallarında saqlaw ushın zárúr bolǵan kólemdi kemeytiwi múmkin.
Kemshilikleri: joytıwlı videokórinislerdiń kólemin kishireytiwdi qóllawda, geyde anıq kórinetuǵın begilerdiń payda bolıwı - mısalı, bloklanıw (suwretti 8x8 pikselli bloklarǵa bólıw), tınıq bolmaǵan (súwret tolıq maǵlıwmatların joytıw) hám basqalar. Videonı joytıwsız qısıw usılları da bar, biraq búgingi kúnde olar videokórinislerdiń kólemin derlik kishireytirmeydi.
Format Factory - bul multimedia faylların konvertaciya etiw ushın biypul kompyuter programması. Programma video, audio hám súwret faylların videofayllarǵa hám audiofayllarǵa ózgertip beredi. MP4 fayllardı iPod/iPhone/PSP/BlackBerry formatlarına ózgertedi.
Programmanıń qásiyetleri:

• 
  Belgili video, audio hám súwret formatların ózgertiw;
  
• 
  bir neshe video fayllardı birlestiriw, audio trekti almastırıw;
  
• 
  Ziyanlanǵan video hám audio fayllardı qayta tiklew;
  
• 
  Multimedia faylları kólemin optimallastırıw;
  
• 
  Iphone hám ipod multimedia formatların qollap-quwatlaw;
  
• 
  Súwretke qayta islew beriw: úlkeytiw, kishireytiw, convertaciya etiw;
  
• 
  DvD di basqa formatlarǵa nusqalaw.
  

Programmanıń qollap - quwatlawshı formatları tómendegiler:
video formatlar:

• 
  iPod, Zune, PlayStation Portable, iPhone, Symbian 9.4/3 apparatları hám basqa da sol sıyaqlı mobil apparatlar.
  
• 
  MP4, AVI, 3GP, MKv, WMv, MPG, vOB, FLv, SWF, MAN, GIF, RMvB (tek import ), FLL, WebM
  

audio formatlar:

• 
  MP3, WMA, FLAC, AAC, MMF, AMR, M4A, M4R, OGG, MP2, WAv, WavPack, XMA
  

súwret formatlar:

• 
  JPG, PNG, ICO, BMP, GIF, TIF, PCX, TGA, WebP
  

Video fayl kólemin kishireytiw ushın tómendegi ámellerdi orınlaw kerek:
1. Pogrammanı júklep alıp hám onı jeke kompyuterge ornatıw.
2. Videofayldı programmaǵa júklep alıw. Bunıń ushın programmadan «Видео» «Аудио» «Фото» «Документ» «РОМ устройство» bólimleri tabılıp, «Видео» bólimi tańlanadı. Nátiyjede aynada súwretdegi kóriniste videofayl formatları kórinedi (6.1-súwret).