5-§. Videokórinislerdiń kólemin kishireytiwde Format Factory, Freemake video Converter hám Compress video programmalarınan paydalanıw

6.1-súwret. Format Factory programmasında videokórinisti programmaǵa júklew
Videoformatlar arasınan kólemin kishireytirmekshi bolǵan videofayl formatı tańlap basıladı, bul jaǵdayda videofayl formatı AVI bolǵanı ushın AVI formatı saylanadı. Kerekli format saylanıp, túyme basılǵannan keyin fayldı saylaw túymesi arqalı kerekli fayl saylanadı hám videofayl programmaǵa júklenedi. Bunnan soń, videofayl qásiyetleriniń mánislerin saylap alamız.
3. "Настроить" túymesi basıladı hám videofayldıń barlıq qásiyetleri aynada kórinedi. Biz videofayldıń kólemin kishireytiriw ushın qásiyetler arasınan Bitrate qásiyeti saylanıp, kerekli bitrate tańlanadı. Bitrate (Bit tezligi) – bul videokórinislerde isletiletuǵın bit kólemi bolıp esaplanadı, yaǵnıy 1 sekund ushın kerek bolatuǵın bitler sanı (6.2-súwret).

6.2-súwret. Format Factory programmasında Bitrate videokórinisi bit tezligi
4. Videokórinis bit tezligi tańlanǵannan keyin eń aqırǵı jumıs start túymesi basıladı hám konvertaciya ámelge asırıladı, bul bir az waqıt alıwı múmkin. Nátiyjede videokórinis kólemi kishireytilmesten aldın 246 Megabayttı quraǵan bolsa, videokórinistiń kólemi kishireytilgennen keyin, onıń kólemi 28 Megabayttı quradı.
Freemake video Converter programması. Freemake video Converter - bul Ellora Assets Corporation tárepinen islep shıǵılǵan, Windows ushın ulıwma hám jabıq derekli video konvertor. Yaǵnıy, onıń barlıq imkanıyatlarınan paydalanıw ushın pullı versiyasın satıp alıw kerek boladı, ulıwmalıq versiyasında biypul isletiw imkaniyatı bar.
Freemake video Converter programmasınıń bir qatar múmkinshiliklerin keltiriw múmkin. Freemake video Converter eń belgili video/audio/grafik formatlardı import etiwi hám olardı AVI, MP4, WMV, SWF, 3GP, DVD, Blu-Ray, MP3 formatlarına convertaciya etiwi múmkin. Bul programma iPod, iPhone, iPad, Xbox, Sony PlayStation, Blackberry, Android hám basqalar túrli multimedia apparatları ushın videolardı konvertaciya etiwi múmkin. Konverter DVD dan jazıwdı ámelge asırıw, videokórinislerdi/fotosúwretlerdi/muzikalardı DvD-videoǵa aylandırıw imkanıyatına iye.
Freemake video Converter kesiw, aylandırıw, bir neshe video fragmentlerdi bir faylǵa birlestiriw hám muzika menen birge foto slayd-show jaratıw sıyaqlı ápiwayı video redaktorlaw wazıypaların usınıs etedi. Paydalanıwshılar jaratılǵan fayllardı Freemake video Converter járdeminde YouTube ǵa júklewleri múmkin.
Videokórinis kólemin kishireytiw ushın:
1. Programmalıq támiynat júklep alınadı hám kompyuterge ornatıladı.
2. Videokórinisti programmaǵa júklew. Videokórinisti programmaǵa júklew ushın File -> Add Video izbe izligi ámelge asırıladı. Bunnan soń, kólemi kishireytilmekshi bolǵan videokórinis tańlap alınadı (6.3-súwret).