Ózbekstan respublikasí joqarí HÁm orta

Juwmaqlaw
Belgili bolǵanınday, jazıw óneri jazıwshınıń minezi, bilimi hám qanshelli dárejede qyramalı insan ekenliginen derek berip turadı. Insanlardıń jazıwı arqalı olar qanday dárejede sawatlı ekenin bilip alıwımız múmkin. Jazıwlar joqarıdaǵılardı anıqlap berer eken, biz oqıwshılardı shıraylı hám sawatlı jazıwǵa úyretiw arqalı olarda joqarıdaǵı sıpatlardı qálilestiriwge erisiwimiz múmkin. Oqıwshılar sawatlı jazıw arqalı itibarlı, sabırlı, tártipli bolıwǵa úyrenedi. Bul bolsa jámiyetimizde qáliplesip atırǵan hár bir shaxsqa tiyisli bolǵan pazıyletlerden biri.
Oqıwshılardı jazıwǵa úyretiwge arnalǵan bul kurs jumısında usı máseleler kórip shıǵılǵan. Buǵan tiykarlanıp oqıwshılardı jazıwǵa úyretiw máseleleri, jazıw sabaqlarında sawatlı jazıwǵa úyretiw usılları hám basqa máselelerge itibar berildi.
Kishi jastaǵı balalarǵa beriletuǵın til tálimi hám tárbiyası ayrıqsha taraw, ózgeshe usıllar menen bayıtıp, til tazalıǵı, ádebiy til normaların sińiriw sıyaqlı zárúr shınıǵıwlar járdeminde alıp barıladı. Sonday-aq, ana tili pánin oqıtıwda pedagogikalıq texnologiyalardıń jedel usıllarına súyenip is tutıw shárt hám de balalar qabıl ete alatuǵın jumbaqlar dizimin islep shıǵıw hám arnawlı oqıw processine kiritiliwi zárúr. Baslawısh tálimniń nátiyjeliligin asırıw faktorlarınan biri balalardıń sawatlı jazıw tájiriybelerin tárbiyalaw. Bul 1-klastan baslanıp, joqarı klaslarda da dawam ettiriliwi kerek.
Oqıwshılardı sawatlı jazıwǵa úyretiwde tómendegilerge ámel qılıw arqalı nátiyjege erisiwimiz múmkin:

• 
  balalar psixologiyasın tereń úyrenip, olardıń hár birine ózine tán múnásibette
  

bolıw;

• 
  sabaq barısında, sabaqtan keyingi shınıǵıwlarda balanıń bárqulla jaqsı
  

keypiyatta bolıwın támiyinlewge;

• 
  oqıwshılardı jazıw processinde eń kóp jol qoyıp atırǵan qátelerge itibar
  

beriw;

• 
  sawatlı jazıw minutların ótkeriw;
  
• 
  oqıwshılardı óz qáteleri ústinde islewge úyretiw;
  
• 
  túrli didaktikalıq oyınlardan paydalalanıp jazıw tájiriybelerin asırıw;
  

Sabaqlarǵa usı tárizde jantasıw arqalı biz oqıwshılardı sawatlı jazıwǵa úyretip barıwımız múmkin boladı.