Ózbekstan Respublikası Joqarı hám orta arnawlı bilimlendiriw ministrligi

4. 3. Ámeliy usıllar

Bul usıllar shuǵıllanatuǵınlardıń aktiv háreketlerine tiykarlanadı.

Shınıǵıwlar usılı xızmetlerin kóp márte orınlaw menen oyın texnikası elementlerin yamasa oyın usılların iyelew menen xarakteristikalanadı. Shınıǵıwlardı qayta orınlawdı bólimlerge bolıp yamasa pútinliginshe ámelge asırıw múmkin. Bólimlerge bólıp úyreniw dáslep hárekettiń bólek bólimlerin úyreniwdiń keyinirek bolsa kerekli dárejede pútkil halǵa birlestiriwdi názerde tutadı. Pútkilliginshe úyreniw juwmaqlawshı maqsetke qaray háreket qanday kórinisde bolsa, onı sondaylıǵınsha úyreniw názerde tutıladı. Tártiplestirilgen shınıǵıwlar usılı shuǵıllanatuǵınlar aldına qoyılǵan wazıypalardı sheshiw ushın háreketlerdi salıstırǵanda erkin tańlawǵa ruxsat beredi.

Oyın usılı texnika elementleri iyelengennen keyin qollanıladı. Oyınshılar ortasındaǵı texnikalıq usıllardı jetilistiriwdi úyreniwde bir dárwazaǵa, bir sebetke 2x2, 3x3, 4x4 oyınları qollanıladı.

Bul shuǵıllanatuǵınlardıń qızıǵıwshılıǵın asıradı, oyın shınıǵıwı yamasa oyın usılın orınlawda, kónlikpe payda etiwde ámeliy áhmiyetke iye boladı.

Sport oyınlarında oyın usılın jetilistiriw shegaralanbaydı, olar jarıslarda rawajlandıradı hám bekkemlenedi.

Jarıs usılı oqıtıw áhmiyetli áhmiyetke iye. Balalar baslanǵısh dáwirde taktik hám oyın shınıǵıwlardı bólek-bólek atqaradı, keyin bolsa oyın qaǵıydaları quramalılashtiriladi hám aqırı rásmiy diydarlasıwlardi shólkemlestiredi. Bul usıl oyın dodlawdı tuwrı bahalab odan kelip shıqqan halda nátiyjelilew texnikalıq usıllardı qollawǵa múmkinshilik beredi.

Jarıs oyınların jáne de jetilistiriw maqsetinde hár bir shuǵıllanatuǵın ushın taktik háreketlerdiń eń qolay túrleri qollanıladı.