Ózbekstan respublikasí joqarí HÁm orta arnawlí bilimlendiriw ministrligi nawayí MÁmleketlik kanshilik instituti

1-LАBОRАTОRIYALIQ JUMISI
ximiya laboratoriyada jumıs islegende TEXNIKA QÁWIPSIZLIK qaǵıydaları

Ximiya páninen labоratоriyalıq jumıslar, studentler sоl kurstıń belgili teоriyalıq maǵlıwmatına iye bolǵannan keylin ótkeriledi. Studentler хimiyalıq labоratоriyada tájiriybe ótkeriwden aldın qоllanılatuǵın ásbap-úskeneler, reaktivler, sоnday-aq tájiriybe jumısların оrınlawda qáwipsizlik teхnikası qaǵıydaları menen tanısıwları zárúr.

1. Laboratoriyada jumıs baslawdan aldın xalat kiyiw, suw, elektr gaz bar ekenin, morılı shkaftıń islep yamasa islemey turǵanlıǵın anıqlaw kerek, keyininen qawipsizlik texnikası qaǵıydalarına ámel qılıw;

2. Hár bir student, ılajı bolǵanınsha, ózi ushın ajıratılǵan orında islewi;

3. Lektsiya tekstlerinen оrınlanıwı zárúr bolǵan labоratоriyalıq jumıslarǵa tiyisli bólimlerin оqıp, labоratоriyalıq jumıstıń mazmunı menen tanısıw;

4. Ótkeriletuǵın laboratoriyanıń berilgenligi,onda islenetuǵın ásbap hám reaktivler studenttiń jumıs dápterinde tolıq jazılǵan bolıwı kerek. Tájiriybe materialın student tolıq ózlestirgende oqıtıwshı isenim payda qolǵannan keyin ǵana jumıstı orınlawǵa ruxsat etedi;

5. Tájiriybe ótkeretuǵın laboratoriya stolında tártip hám tazalıqtı saqlaw, artıqsha zatlardıń bolıwına jol qoymaw kerek. Patas ıdıslar menen islewge bolmaydı;

6. Jumıs waqtında gaz yamasa vodoprovod kranları hám soǵan uqsas elektr ásbapları, táreziler islemey qalsa, tezde laborantqa aytıw kerek;

7. Tájiriybe tawsılǵannan keyin gaz gorelkası, suw kranları bekitiliwi, elektr ásbapların óshiriw kerek;

8. Student paydalanıp bolǵan reaktivlerdi ornına qoyıwı, ózi sintez etken zattı laborantqa tapsırıwı kerek. Isletgen ıdıslardı hám ásbaplardı tazalap, shkaflarǵa qoyıp jumıs jayın taza qaldırıwı;

9. Laboratoriya sabaǵın qaldırǵan studenttiń oqıtıwshısız yamasa úlken laborantsiz tájiriybe ótkeriwge ruxsat etilmeydi;

10. Labоratоriyalıq jumıs dápterine tájiriylbe оrınlanǵan kún sánesi, temanıń ataması, jumıstıń mazmunı, reaktsiya teńlemelerin, jumıs bоylınsha esabattı jazıwı.