Ózbekstan respublikasí joqarí HÁm orta arnawlí bilim ministirligi

3-tema: Tekst túrleri
1-qosımsha
Tekstti túrlerge ajıratıwdıń jáne bir usılı – tildiń funkcional-stilistikalıq ózgesheligi. Tekstler funkcional-stilistikalıq ózgesheliklerine qaray ilimiy tekst (ilimiy miynetler, tezis, maqala, lekciya, pikirler), kórkem ádebiyat teksti, rásmiy is-qaǵazlar teksti (maǵlıwmatnama, qarar, buyrıq, protokol, minezleme), Publicistikalıq tekstlerge bólinedi.
Tekstlerdi túrlerge ajıratıwda olardıń jazılıw strukturası da názerde tutılıw kerek. Máselen arzanıń jazılıwında sintaksislik konstruksiyalar qáliplesken turaqlı ornına iye. Al maqala yaki gúrrińde bunday strukturalıq qáliplesiw bolmaydı. Usınday ózgesheliklerine qaray tekstler tipologiyalıq jaqtan: 1) turaqlı strukturalı tekstler (maǵlıwmatnama, dálalatnama, annotaciya) hám 2) erkin strukturalı tekstler (maqala, gúrriń, roman) dep te bólinedi.
Tekst gápke qaraǵanda úlken kólemdegi qatnas quralı, sóylew prosesiniń ónimi, anıq nızamlılıqlar tiykarında qáliplesken jazba til kórinisi. Kommunikaciya prosesinde berilip atırǵan xabardıń kólemi de tekstler tipologiyası ushın tiykar boladı. Kishi kólemdegi xabar ıqsham túrdegi mazmundı, úlken kólemdegi xabar úlken kólemdegi mazmundı beredi. Demek, tekstte berilgen informaciyanıń kólemine qaray: 1) minimal tekst hám 2) maksimal tekst tiplerin ajıratıw orınlı.

2-qosımsha

B.B.B. texnikasın qollaw nızamları

Tema sorawı	Bilemen	Biliwdi qaleymen	Bildim
2	3	4	5
tekstte berilgen informaciyanıń kólemine qaray túrleri
Teksttiń stillik ózgesheliklerine qaray túrleri
Teksttiń qurlısına qaray túrleri
Ańlatılıw mazmunına qaray túrleri

3-qosımsha
Teksttiń túrlerine kórkem shıǵarmalardan mısallar jıynaw