Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида

Ўқитувчиларга қўшимча имкониятлар яратиш ва самарали фаолият юритаётган педагоглари рағбатлантириш

1. 
   2021 йил 1 мартга қадар “Педагог ходимларнинг мақоми тўғрисида” янги қонун ишлаб чиқилади.
   
2. 
   Дарсликлар билан бирга методик қўлланма, ўқувчи машқ дафтари, мультимедиа воситалари тайёрлаб берилади.
   
3. 
   2021 йил мартдан бошлаб, ўқитувчиларга ўз малакаларини оширишлари учун: педагоглар тайёрлайдиган олий таълим муассасасини, малака ошириш маркази ёки лицензияга эга нодавлат таълим ташилотини эркин танлаш имконияти берилади. (“Авлоний”-илмий тадқиқот марказига айлантирилди)
   
4. 
   2021 йил 1 сентябрдан бошлаб малака тоифаларини бериш соддалаштирилади, навбатдаги аттестация учун пул йиғими унидирилмайди (бу йил барча педагоглар тоифа имтиҳони учун 223 минг сўмдан тўлаган эдилар)
   
5. 
   Ўқувчиси халқаро олимпиадаларда ғолиб чиққан ўқитувчиларга олий тоифа берилади, республика олимпиадалари ғолиблари ўқитувчиларининг тоифаси 1 поғонага кўтарилади.
   
6. 
   2024-25 ўқув йилига қадар фаолияти давомида юқори натижаларга эришган педагогларнинг ойлик маоши меҳнатга ҳақ тўлаш энг кам миқдорининг 15 бараваригача оширилади (олий тоифали ўқитувчи 1000 АҚШ долларига тенг иш ҳақи олади)
   
7. 
   Фармонда қайд этилишича, 11 йиллик таълимнинг якуний натижаси, бу аввало, ҳар томонлама баркамол ва ўз дунёқарашига эга бўлган битирувчидир. Шу йўналишда натижага эришган мактаб раҳбарларини катта миқдорда моддий рағбатлантиришнинг ҳуқуқий асослари берилган, Хусусан, битирувчиларининг 95 фоизи ва ундан ортиқ қисми олий ва профессионал таълимга ўқишга кирган ёки ишга жойлашган мактаб директорига меҳнатга ҳақ тўлашнинг энг кам миқдорининг 12 баравари, ўринбосарларига 6 баравар, 90-94 фоиз бандликни таъминлаган раҳбарлар тегишлича 9 ва 4,5 баравар, 85-89 фоизга эса тегишлича 6 ва 3 баравар миқдорида рағбатлантириш белгиланган.
   
8. 
   2021 йил 1 январдан Таълим инспекцияси мактаблар Рейтингини ишлаб чиқади, туман(шаҳар)да 1-ўринни эгаллаган директор меҳнатга ҳақ тўлашнинг энг кам миқдорининг 10 баравари миқдорида рағбатлантирилади, санаторийда дам олиш учун бепул йўлланма берилади. Юқори ўрин олган 5 та мактабнинг 2 нафардан ўқитувчилари ҳамда вилоятда ғолиб бўлган туман (шахар) ХТБ мудири, методистлари ҳам санаторийга бепул юборилади.