Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида

Ўзбекистон Республикаси Президенти Ш.Мирзиёевнинг 2020 йил 6 ноябрдаги “Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида”ги ПФ-6108-сонли Фармони моҳияти
Ушбу Фармон ижросини таъминлаш мақсадида
Ўзбекистон Республикаси Президенти Ш.Мирзиёевнинг 2020 йил 6 ноябрда “Таълим-тарбия тизимини янада такомиллаштиришга оид қўшимча чора-тадбирлар тўғрисида” ПҚ- 4884-сонли қарори қабул қилиниб,
Чора-тадбирлар белгиланган.

Фармон ва Қарорда халқ таълими соҳасини тубдан ислоҳ қилишга оид 3 та йўналиш белгилаб берилган:

1.Таълим-тарбия сифатини ошириш чора-тадбирлари
2.Ўқитувчиларга қўшимча имкониятлар ва самарали фаолият юритаётган педагоглари рағбатлантириш
3. Ташкилий масалалар

1. 
   Таълим-тарбия сифатини ошириш бўйича вазифалар:
   

1. 
   2021 йил 1 мартгача янги Миллий ўқув дастури ишлаб чиқилади, яъни, таянч ўқув режа такомиллаштирилади, ўзаро узвий боғлиқ фанлар бирлаштирилиши эвазига уларнинг сони оптималлаштирилади, янги авлод дарсликлари яратилади (масалан, бошланғич синфларда ўқиш ва она тили фанлари, кимё, биология фанларини бирлаштирилади) Мутахассислар томонидан Финляндия тажрибаси ўрганилади, 2021 йил 1 майгача муҳокамадан ўтказилади, 2021-2022 ўқув йилида таянч мактабларида тажриба-синовдан ўтказилади.
   

2. 
   Халқ таълими ходимлари, ўқитувчилар учун “Ҳаёт давомида ўқиш” тамойили қўлланилиб, ҳар бир ходимнинг малака ошириш жараёнини мониторинг қилиш ва шахсий ҳисобини юритиш имкониятини таъминловчи “Узлуксиз касбий таълим” электрон платформаси ишга туширилади.
   

3. 
   2020-2023 ўқув йилида барча мактабларда давомот ва баҳолаш шаффофлигини таъминлаш учун “Электрон кундалик” тизими жорий қилинади. Битирувчилар шаходатномасига мажбурий 11 йиллик таълимнинг 6 йиллик ўртача баҳоси киритилади ва ушбу кўрсаткич олий таълимга кириш имтиҳонларида инобатга олинади.
   

4. 
   Ўқувчиларни “имтиҳонларга эмас, ҳаётга тайёрлаш” учун уларнинг саводхонлиги, компетенция ва шахсий сифатларини баҳолаш тизими билан бирга касбга бўлган қизиқишини аниқлаш тизими жорий қилинади, бунинг учун, 4-синф битирувчилари ўқишини келгусида ихтисослаштирилган синфларда давом эттириши мақсадида сараланади, 7-синфдан бошлаб интерактив сўровномалар орқали касбга бўлган қизиқишлари аниқланиб, маълумотлар базаси шаклланади, 9-синфдан бошлаб ҳунар ўрганиш жорий қилинади. (Бандлик маркази, касб-ҳунар мактаблари, корхоналарда)
   

2.