Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида

III.Ташкилий масалалардаги ўзгаришлар:
1.Вилоят, туман, шаҳар халқ таълими бўлимлари раҳбарлари бир вақтнинг ўзида ҳокимларнинг таълим-тарбия масалалари бўйича маслаҳатчилари бўлиши белгиланди. (2021 йил майгача уларга “Нексия-3” хизмат машинаси ажратилади, “ҳайдовчи” штати, ёқилғи учун лимит берилади. Чора-тадбирнинг 17-банди)
2. 2021 йил 1 январдан мактаб директорларини тайинлаш ва лавозимидан озод қилишда халқ депутатлари туман (шаҳар) Кенгашлари билан келишиш тартиби жорий қилинади, бунда вилоят ХТБ томонидан кўрсатилган директорликка 3 та номзод сессияда депутатлар олдида ўз “Уч йиллик дастури”ни тақдим қилади, энг яхши дастур эгаси шаффофлик асосида танланиб, лавозимга тайинлаш учун вилоят ХТБ га тақдим қилинади. Ҳар йил якуни бўйича ҳисобот беради.
3. 2021 йил 1 январдан бошлаб, директорларнинг маънавий-маърифий ишлар бўйича ўринбосаларини лавозимга тайинлаш туман(шаҳар) маънавият-маърифат маркази тавсиясига кўра амалга оширилади, улар йил якуни бўйича Маънавият ва маърифат Кенгашида ҳисобот берадилар.
4. 2021 йил 1 январдан мактабларда ижодий-маданий масалалар бўйича тарғиботчи лавозими жорий қилинади, бу лавозимга Ёзувчилар уюшмаси томонидан тавсия қилинган шоир, ёзувчи, журналист ва ижодкорлар қабул қилинади, уларнинг меҳнатига “Ёшлар етакчиси” лавозимининг 0,25 штат бирлиги ҳисобидан иш ҳақи тўланади.
5. Туман, шаҳар ХТБ педагогик-психологик ташхис шуъбалари негизида юридик шахс мақомисиз Болаларни ижтимоий-психологик қўллаб-қувватлаш марказлари очилади. Марказга шартнома асосида тажрибали психологлар жалб қилинади.
6. Вилоят марказларида 0,7 коээфициентдан кам қувватда ишлаётган мактаблар ташқи бошқарув(хусусий)га берилади, бунда мактабни сақлаш учун давлат бюджетидан ажратиладиган маблағ қисқармайди, ташқи бошқарувчи микроҳудуд ўқувчиларига бепул таълим беради, мактаб моддий-техника базасини кучайтириш, таълим сифатини ошириш мажбуриятини олади, бўш турган биноларда ўқув курслари, тўгараклар очишга рухсат берилади.
7. Мактабларни таъмирлаш, копьютерлаштириш ва моддий-техник базани мустаҳкамлаш бўйича Ҳукумат дастури тузилади.