Ўзбекистоннинг жаҳон ҳамжамияти билан ҳамкорлигида демократик тамойилларга асосланиши

Президентимиз Ислом Каримов 2005 йил 28 июнда Москвада Россия Президенти Владимир Путин билан учрашуви бўлиб ўтди. Мулоқат чоғида Ўзбекистон-Россия муносабатлари стратегик шерикчилик тамойиллари асосида ривожланиб бораётгани, мамлакатимиз ўртасида сиёсий, савдо-иқтисодий, ижтимоий-маданий соҳалардаги ҳамкорлик кенг кўламда таракқий этаётгани таъкидланди. Президентлар ўртасидаги муносабатларнинг бугунги аҳволи ва истиқболлари юзасидан атрофлича фикр алмашдилар. Ҳамкорликни кенгайтириш борасида томонларнинг ҳамфикрлиги, қарашларнинг муштараклиги муҳим аҳамиятга эга эканлиги қайд этилди.
Минтақавий хавфсизлик ва барқарорликни мустаҳкамлаш масалалари Ислом Каримов ва В.Путиннинг диқкат марказида бўлди. Ўзбекистон раҳбари Россия Президентига 2005 йил 13 май куни Андижон шаҳрида рўй берган фожиали воқеалар ҳамда ушбу жиноят юзасидан олиб борилаётган тергов ишлари ҳақида сўзлаб берди. Россия раҳбарияти ушбу муаммога холис ёндашганини, вазиятни тўғри баҳолаганини таъкидлади.
Шуни алоҳида таъкидлаш жоизки, Россия Ўзбекистоннинг муҳим стратегик ҳамкорликларидан биридир. Икки мамлакат ўртасида турли соҳалардаги алоқалар тобора мустаҳкамланиб бормоқда. 2004 йили Ўзбекистон ва Россия ўртасидаги ўзаро товар айланмаси I миллиард 641,9 миллион, 2005 йилнинг биринчи чорагида эса 428,7 миллион АҚШ долларларига тенг бўлди. Мамлакатимизда Россия билан ҳамкорликда ташкил этилган 360 та қўшма корхона фаолият кўрсатмоқда. 2004 иил Тошкентда икки давлат президентлари имзолаган Ўзбекистон Республикаси ва Россия Федерацияси ўртасида Стратегик шерикчилик тўғрисидаги шартнома бу соҳадаги ҳамкорликнинг янада ривожланишида янги босқич бўлди. Ҳар иккала мамлакат Президентлари ўзаро ҳамкорликнинг бугунги аҳволи ва истиқболи ҳақидаги, минтақавий хавфсизликни таъминлаш, халқаро террорчиликка қарши курашда биргаликдаги ҳаракатлар, халқаро ва минтақавий ташкилотлар доирасидаги ҳамкорлик тўғрисидаги масалаларни муҳокама қилдилар.
Шуни ҳам таъкидлаш жоизки, Россия билан Ўзбекистон Шанхай Хамкорлик ташкилотининг аъзолари бўлиб, бу давлатлар биргаликда халқаро тероризмга, диний экстремизга, сепаратизм каби "Хизбут-таҳрир" оқимларига биргаликда кураш олиб бормоқдалар.