Ўзбекистонда демократик жамият қуриш назарияси ва амалиёти фанининг предмети, объекти, мақсади ва вазифалари

ЎЗБЕКИСТОНДА ДЕМОКРАТИК ЖАМИЯТ ҚУРИШ НАЗАРИЯСИ ВА АМАЛИЁТИ ФАНИНИНГ ПРЕДМЕТИ, ОБЪЕКТИ, МАҚСАДИ ВА ВАЗИФАЛАРИ

РЕЖА
1. “Ўзбекистонда демократик жамият қуриш назарияси ва амалиёти” фанини ўрганишнинг зарурлиги, мақсади ва вазифаси.

2. “Ўзбекистонда демократик жамият қуриш назарияси ва амалиёти” фанининг предмети, объекти, услуби ҳамда унинг манбалари.
3. “Ўзбекистонда демократик жамият қуриш назарияси ва амалиёти” фанининг асосий тушунчалари, қонуниятлари ва унинг бошқа ижтимоий гуманитар фанлар орасида тутган ўрни.
4. Ўзбекистонда демократик жамият қуришнинг муҳим шартлари.
5. Фанни ўрганишнинг муҳим аҳамияти.


Таянч иборалар: Демократия, демократик жамият, миллий давлатчилик,дунёвий давлат,Ўзбекистоннинг ўзига хос ва мос тараққиёт йўли, эркинлик, мустақиллик, қонун устуворлиги, демократик давлатчилик, демократик жамиятнинг миллий-маънавий негизлари, миллий-маънавий қадриятлар.


Ўзбекистонда демократик жамият қуриш назарияси ва амалиёти фанини ўрганиш, мамлакат ҳаётида кенг кўламли ислоҳотларни амалга ошириш билан боғлиқ қонуниятларни билиш ва ўрганиладиган, демократик тараққиёт йўлида «Ўзбек модели» ни татбиқ этишда муҳим аҳамиятга эга. Бу демократиянинг миллий ва умумбашарий тамойилларини аниқ тасаввур этиш, ижтимоий ҳаётни у билан боғлаб олиб боришга ўргатади. Мамлакатимизда демократиянинг қарор топиб бориши, Ўзбекистоннинг дунё ҳамжамиятида ўзининг нуфузли ўрнига эга бўлишига, ёшларда демократик онг ва тафаккурни шакллантириш, миллий-маънавий меросни қадрлаш, ватанпарварлик туйғуларини мустаҳкамлашга кўмаклашади. Мамлакатда эркин, демократик фуқаролик жамиятини қуриш назарияси ҳамда амалиёти билан чуқурроқ таништиради. Шу мақсадни амалга оширишда хизмат қилади. Ўзбекистонда демократик жамият қуриш назарияси ва амалиёти фанини ўрганишнинг ўзига хос зарурат ва сабаблари мавжуд.