«Ўзбекистон темир йўллари» датк

1.1. Оралиқ қурилманинг физик ҳолати

ПК 100даги кўприкнинг №2 оралиқ қурилма тўсинини текширишда уларда қия ва кўндаланг ёриқлар, бетоннинг парчаланганлиги, гидроизоляцияси ва ишчи арматураси ишдаш чиққан участкалар борлиги аниқланди.

Баъзи бир амалий ўлчамлари лойиҳадагидан фарқ қилади. Асосий лойиҳа маълумотлари ва оралиқ қурилмани текшириш натижалари 1.1 ва 1.2–расмларда келтирилган.

1.1–расм. Шикастланишларнинг жойлашиш схемаси

1.2–расм. Оралиқ қурилманинг кўндаланг кесими ва қуйи зонасида арматураларнинг жойлашиши

Тўсиннинг ҳисобий узунлиги 12.2м лойиҳадагига нисбатан 5 см га узайтирилган. Балласт призмасининг қалинлиги лойиҳадаги h =51см ни ташкил этди. Ёриқларнинг умумий сони 250 тани ташкил қилади, жумладан, очилиш эни 0,2 мм гача – 237 та, 0,2…0,3 мм гача – 8 та, 0,3 мм дан катта 5 та, сиқилган зонасига ўтган ёриқлар сони 38 та.

Оралиқ қурилманинг учлари x=0 ва x=1 да аниқланган йўл ўқининг оралиқ қурилма ўқига нисбатан силжиши тегишлича e₁ = 8 см ва e₂ =2 см.
Гидроизоляция асосан С1 зонанинг юқори чегарасида балласт корита плитаси юзасининг 35 % гача бузилган. Баъзи жойларда бу арматуранинг бир қисмини чиришига ва бетоннинг ишқорланишига олиб келган. Ишдан чиққан бўйлама ишчи арматуранинг умумий сони 3 тани ташкил этади.
С1 ва Н3 зоналарда Шмидт склерометри ёрдамида ўрнатилган бетоннинг амалий мустаҳкамлиги R=30.1 МПа ни, гидроизоляцияси бузилган жойда эса R=20 МПа ни ташкил этди.
Юқорида қайд қилинган геометрик ва мустаҳкамлик тавсифларининг лойиҳадагидан фарқ қилиши, оралиқ қурилманинг кўп сонли шикастланишлари уни юк кўтарувчанлигини камайтиради ва эксплуатация талабларига мувофиқ ундан ҳар хил поезд юкларини, жумладан, оғир транспортёрларни ҳам ўтказиш шартларини аниқлаш ва иншоотни кучайтириш, таъмирлаш ёки алмаштириш масаласини ечиш мақсадида юк кўтарувчанлиги бўйича синфланиши лозим /12/.