Ўзбeкистон тeмир йўллари акциядорлик жамияти «Қуюв-механика заводи» шкда ишлаб чиқариш қувватлари

1У БОБ. “ЎЗБЕКИСТОН ТЕМИР ЙЎЛЛАРИ”АЖ да КОРХОНАЛАРИДА
МЕҲНАТНИ МУҲОФАЗА ҚИЛИШ ИШЛАРИНИ
ТАШКИЛЛАШТИРИШ .
26. Ўзбекистон Республикасининг «Меҳнатни муҳофаза қилиш тўғрисида»ги қонунининг 14—моддасига мувофиқ 50 ва ундан ортиқ ходимлар ишлайдиган корхоналарда махсус тайёргарликка эга бўлган шахслардан меҳнатни муҳофаза қилиш хизматлари (лавозим киритилади) ташкил қилинади, 50 ва ундан ортиқ транспорт воситалари мавжуд бўлган корхоналарида йўл ҳаракати хавфсизлиги хизматлари (лавозим киритилади) ташкил қилинади.
Ходимлар ва транспорт воситаларининг сони бундан кам бўлган корхоналарда меҳнатни муҳофаза қилиш хизмати мажбуриятларини бажариш раҳбарлардан бирига юклатилади.
27. Меҳнатни муҳофаза қилиш хизматлари ва йўл ҳаракати хавфсизлиги хизматлари касаба уюшма қумитаси билан келишилган Низомга мувофиқ ишлайди ва корхонанинг асосий хизматларига тенглаштирилади ва корхона рахбарига бўйсунади.
28. Меҳнатни муҳофаза қилиш ва йўл ҳаракати хавфсизлиги хизматлари мутахассислари ўзларининг лавозим вазифаларига таалуқли бўлмаган ишларни бажаришга жалб қилинмайди.
29. Меҳнатни муҳофаза қилиш ва йўл ҳаракати хавфсизлиги хизматлари фақатгина корхона фаолияти тугатилганда бекор қилинади.
30. Корхонанинг ҳар бир иш жойидаги меҳнат шароитлари меҳнатни муҳофаза қилиш стандартлари, қоидалари ва меъёрларига мувофиқ бўлиши керак.
31. Корхона меҳнатни муҳофаза қилишга жамоа шартномасида белгилаб қўйилган зарурий маблағларни ажратиши шарт, агар у тузилмаган бўлса иш берувчи билан касаба уюшма қумитаси ёки ходимларнинг бошқа вакиллик органи ўртасида тузилган келишувга асосан ажратади.
32. Корхона ўзининг хўжалик юритиши, тижорати, ташқи иктисодиёти ва бошқа фаолияти, шунингдек бошқа манбалардан тушган даромадлар ҳисобига меҳнатни муҳофаза қилиш бўйича марказлаштирилган жамғармаларини тузиши мумкин.
33. Меҳнатни муҳофаза қилишга ажратилган маблағлар бошқа мақсадларда ишлатилиши мумкин эмас.
34.Корхоналар меҳнатни муҳофаза қилиш талабларини бажармаганда, ишлаб чиқаришда бахтсиз ҳодисалар ва касб касалликларидан ижтимоий суғурталашга юқори таърифларда маблағлар ажратади, улар меҳнат шароитининг ҳолати, бажариладиган ишларнинг хавфлилиги, зарарлиги ва оғирлигидан келиб чиққан ҳолда вақти-вақти билан қайта кўриб чиқилади.
35. Ўзбекистон Республикаси қонунчиликларида белгиланган тартиб ва шароитларда корхона ходимлари бахтсиз ҳодисалар ва касб касалликларидан мажбурий суғурта қилинади.