Ўзбeкистон тeмир йўллари акциядорлик жамияти «Қуюв-механика заводи» шкда ишлаб чиқариш қувватлари

§ 1. Меҳнатни муҳофаза қилиш хизматининг мажбуриятлари

36. Меҳнатни муҳофаза қилиш мутахассислари барча ходимлар томонидан меҳнатни муҳофаза қилиш бўйича қоидалар ва меъёрларга риоя қилинишини назорат қилиш ҳуқуқига эга.

37. Меҳнатни муҳофаза қилиш мутахассислари тузилмавий бўлинмалар раҳбарларига аниқланган қоидабузарликларни бартараф этиш бўйича, бажарилиши шарт бўлган кўрсатма бериш ҳуқуқига эга.
38. Меҳнатни муҳофаза қилиш мутахассислари меҳнатни муҳофаза қилиш бўйича қонунчиликлар талабларини бузган шахсларни жавобгарликка тортиш тўғрисида корхоналар раҳбарларига таклифлар киритиш ҳуқуқига эга.

39.Меҳнат, меҳнатни муҳофаза қилиш тўғрисидаги қонунчиликга риоя қилишни, корхоналарда соғлом ва хавфсиз иш шароитлари яратилишининг шакллари ва услубларини такомиллаштириш бўйича услубий раҳбарликни ва назоратни амалга оширади.

40. Ишлаб чиқаришдаги жароҳатланишлар ва касб касалликларининг келиб чиқиш ҳолати ва сабабларини тахлил қилади; бошқа бўлинмалар билан ҳамкорликда ишлаб чиқаришдаги бахтсиз ҳодисалар ва касб касалликларини олдини олиш бўйича тадбирлар ишлаб чиқади, шунингдек ишлаб чиқилган тадбирларни жорий этилишини ташкил этади.
41. Тегишли бўлинмалар томонидан ишлаб чиқилаётган хавфсизлик стандартлари, меҳнатни муҳофаза қилиш қоидалари ва меъёрларига таклифлар киритиш ҳуқуқига эга ва уларни жорий этиш ишларини ташкил этади.
42. Меҳнатни муҳофаза қилиш бўйича тугалланган илмий тадқиқот ишларига хулоса беради ва уларни татбиқ этиш тадбирларини ташкил қилади.
43. Зарурият туғилганда лойихаларни экспертиза қилиш хизмати билан ҳамкорликда янги объектларни қуриш ва амалдаги ишлаб чиқариш объектларини қайта таъмирлаш лойиҳаларида кўзда тутилган меҳнат хавфсизлигини таъминлаш бўйича қарорларни кўриб чиқишда қатнашади.
44. Раҳбарлар ва мухандис—техник ходимларни меҳнатни муҳофаза қилиш бўйича ўқитилиши ва билимларини текширилишини, ҳамда кириш йўл-йўриғи берилишини таъминлайди.
45. Мехнатни муҳофаза қилиш бўйича ахборот—маълумотлар ва ўқув материаллари, таклифлар, хулоса ва лойиҳалар қарорларини тайёрлайди. Меҳнатни муҳофаза қилиш масалалари бўйича ҳужжатлар билан таъминлайди ва уларнинг бажарилишини назорат қилади.
46. Хизмат доирасига кирадиган масалалар бўйича ходимлар ва фуқароларнинг хатлари, аризалари ва шикоятларини кўриб чиқади ва уларни ҳал қилиш юзасидан тегишли чораларни кўради.
47. Меҳнатни муҳофаза қилиш соҳасида тасдиқланган хужжатлар номенклатураси ва белгиланган статистик ҳисоботларни бўйича иш юритади.