Ўзбекистон тарихи хрестоматия

 
Помпей Трогнинг “HISTORIAE PHILIPPICAE” 
асари муқаддималари
1-китоб муқаддимаси 
Биринчи китобда қуйидагилар баён этилади. Оссурияликларнинг 
давлати Ниндан Сарданапалгача, ундан сўнг ҳукмронлик Орбак орқали 
мидияликларга [мидияликларнинг] охирги подшоси Астиаггача ўтган. У 
тахтдан невараси Куруш томонидан ағдарилган ва давлатни форслар босиб 
1
Фраат II, мил. ав. 138/7-128 йиллар атрофида ҳукмронлик қилган.
2
Антиох VII (Сидет), мил. ав. 139-129 йиллар ҳукмронлик қилган.
3
Аниқки, Помпей Трог скифларни тохарлар билан боғлайди.

---

239 
олганлар. Курушнинг Лидия подшоси Крезга қарши уруш билан боргани ва 
уни мағлуб этиб, асирга олгани ҳақида. Шу билан бирга мавзудан чекиниш 
сифатида Эолия ва Иония шаҳарларининг жойлашиши ва лидияликлар ҳамда 
Италиядаги тускларнинг қадимий тарихи ҳақидаайтилган. Курушдан сўнг 
[унинг] ўғли Камбиз Мисрни забт этди. Камбиз ўлимидан сўнг Доро 
муғларни ўлдириб, подшосиз қолган Форс давлатини эгаллаб, Бобилни олиб, 
скифларга қарши урушни амалга оширди. 
XI китобга муқаддима 
Ўн биринчи китоб Искандар Зулқарнайннинг Доро-шоҳ ўлимига қадар 
қилганларини ўз ичига олган. Мавзудан чекиниш сифатида Кариянинг қадимги 
тарихи ва подшолари ҳақида айтилган. 
XII китобга муқаддима 
Ўн иккинчи китоб Буюк Искандарнинг Бахтария ва Ҳиндистон 
урушларининг тавсифини унинг ўлимига қадар ўз ичига олган. Мавзудан 
чекинишда унинг Юнонистондаги ноиби Антипатр фаолияти ҳамда Лакедемон 
подшоҳи Архедам ва Александр Молосснинг Италиядаги ҳаракатлари, иккови 
қўшини билан у ерда ҳалок бўлгани ҳақида ҳикоя қилинган. Бунга 
апулияликлар, луконлар, самнитлар ва сабиналикларнинг қадимий тарихи 
ҳамда Запирион қўшини билан Понтда ҳалок бўлганлиги ҳақида қўшимча 
қилинган.