Ўзбекистон соғЛИҚни сақлаш вазирлиги тошкент давлат стоматология институти тиббий ва биологик кимё кафедраси

Антивитаминлар.

Витаминларнинг очилиши кўпгина юқумли касалликларни даволаш ва олдини олишда мухим роль ўйнади. Чунки бактериялар ўзининг ўсиши ва кўпайиши учун витаминларнинг бўлиши, коферментларни синтезлашга мухтождир, организмга витаминлар структур аналогларини – антивитаминларни, киритиш микроорганизмларни халок бўлишига олиб келади. Антивитаминлар одатда ферментлар фаол марказларини боғлаб олиб, у ердан витаминларни (кофермент) сиқиб чиқариб, ферментларнинг рақобатли ингибирланишини вужудга келтирадилар. Антивитаминларга организмга киритилгандан кейин гипо- ва авитаминознинг классик кўринишини келтириб чиқарадиган моддалар киритилади.
Хозирги вақтда антивитаминлар 2 гурухга бўлинади:
1. натив витамин тузилишига ўхшаш бўлган структурага эга бўлган антивитамин.
2. витаминлар кимёвий табиатини ўзгартирадиган ёки уларнинг сўрилиши, транспорт қилинишини пасайтирадиган антивитаминлар .
Шундай қилиб, антивитаминлар деб таъсир механизмига боғлиқ бўлмасдан витаминлар биологик фаоллигини пасайтирувчи ёки умуман йўқотувчи моддаларга айтилади.
Курилиши ўхшайдиган антивитаминлар туб маънода антиметаболитлар бўлиб, апофермент билан бирикканда ноактив фермент комплексларини хосил қиладилар.
Витаминларнинг структураси ўхшайдиган аналогларидан ташқари биологик табиатга эга бўлган антивитаминлар тафовут этилади. Уларга тиаминаза 1 ва 2 киради, витамин молекуласи парчаланишини вужудга келтиради, аскорбатоксидаза, витамин Сни парчаланишини катализлайди, авидин оқсили биотинни боғлаб ноактив комплекс хосил қилади.
Кўпчилик витаминлар даволаш воситалари сифатида биохимик ва физиологик жараёнларга бевосита таъсир этувчи сифатида қўлланилади. қон ивишига қарши препарат сифатида ёғда эрувчи витамин К антивитамини сифатида дикумарол, варфарин ва тромексан қўлланилади. Яхши ўрганилган антивитаминларга тиамин антивитамини окситиамин, пири- ва неопиритиамин, рибофлавиннинг – атервин, акрихин, галактофлавин, изорибофлавин (улар барчалари ФАД, ФМН синтезида витамин В2 билан рақобатланади), пиридоксин учун – дезоксипиридоксин, циклосерин, изониазид туберкулез микобактерияларига антибактериал таъсирга эга.