Ўзбекистон соғЛИҚни сақлаш вазирлиги тошкент давлат стоматология институти тиббий ва биологик кимё кафедраси

Витамин Д – кальциферол, антирахитик витамин.
Унинг энг мухим вакиллари Д2 ва Д3. Ўсимлик махсулотларида витамин Днинг миқдори кўп эмас. Ҳайвон махсулотларидан жигар, товуқ тухуми, балиқ, сут, сариёғда кўп сақланади. Витамин Д3нинг организмдаги энг асосий вазифаси кальций ва фосфор гомеостазини сақлаш, суякнинг минералланиши ва қайта тикланишини таъминлашдир.
Витамин Д ингичка ичакдаги ўт кислоталари иштирокида сўрилади, кейин жигарга ташилади ва у ерда НАДН ва молекуляр кислород иштирокида ишловчи митохондриялар системаси таъсирида 25-оксихолекальциферолга айланади. 25-оксихолекальциферол буйракларда гидроксилланади, натижада гормонал хусусиятга эга бўлган 1,25-диоксихолекальциферол хосил бўлади. Бу реакция паратгормонлар билан бошқарилади. 1,25-диоксихолекальциферол ичакда Са ташилишини кучайтиради. Унинг таъсирида ичак шиллиқ қавати хужайраларининг тегишли оқсиллари кальий бириктигнан оқсилга айланади, бу бирикма ичак микроворсинкаларида фаолият кўрсатади. Юқоридаги оқсил ва Сага боғлиқ АТФаза Са ташилишида қатнашади, бу жараён азотга хам боғлиқ.
Жуда кўп аъзоларнинг хужайраларида, Т-, В-лимфоцитларда 1,25-диоксихолекальциферол рецепторларининг топилиши витаминнинг хужайралар, жумладан фагоцитлар, лимфоцитларнинг дифференцировкаси ва фаолиятидаги катта аҳамиятини кўрсатади.
Витамин Д билан даволаб бўлмайдиган рахит касаллигининг сабаби буйраклар 1,25-дигидроксихолекальциферолнинг адекват миқдорини синтезлай олмаслигидадир. Бу бирикмани 2,5-5мкг\сутка миқдорда қабул қилиб туриш ичакларда Сани меёрида сўрилишини таъминлайди. Витамин Д етишмаганида фақат суяк тўқимаси эмас, балки бутун организм зарар кўради, қон билан аъзоларга Са етарли бормаслиги натижасида иккиламчи ўзгаришлар юзага келади.
Витамин Д танкислигида ингичка ичакнинг шиллиқ қаватида дистрофик ўзгаришлар юз беради, бу эса ичакнинг фаолиятини айниқса сўриш қобилиятини пасайтиради. Д-гиповитаминозда липидлар алмашинуви бузилади (қонда умумий холестерин, эркин ёғ кислотлари ва фосфатидилэтаноламинларнинг миқдори жигарда липидлар алмашинуви бузилиши натижасида ортади).