Ўзбекистон ресубликаси олий ва ўрта махсус таълим вазирлиги

Мониторинг
ПЕДАГОГИК ТЕХНОЛОГИЯ ТУЗИЛМАСИ
3. Таълим мазмуни. Фан дастури бўйича ҳар бир мавзуга белгиланган ўқув мақсадларига мувофиқ таълим мазмуни шакллантирилади.
4. Таълим шакллари. Ўқитиш жараёни жамоавий, кичик гуруҳлар ва индивидуал шаклида олиб борилиши тавсия этилади. Жамоавий таълим шаклида талабалар гуруҳи орасида рақобат муҳитини шакллантириш, бир-бирининг билимини тўлдириш имкониятлари кенгаяда. Машғулот топшириқлари асосан янги мавзу мазмунини очиб берувчи алоқадор фанларда ўзлаштирилган билим ва кўникмалар, мавзулараро узвийликка йўналтирилган бўлади. Кичик гуруҳларда ишлаш махсус билимлар билан бир қаторда амалий кўникмаларни шакллантиришда, шунингдек, талабаларда мустақил ишлаш қобилиятларини ривожлантириш учун қўлланилади. Бир нечта талабалар биргаликда ишлаган пайтда, уларнинг шахсий хусусиятлари ва характерлари орасида ўзаро ҳамкорлик вужудга келади.
Якка тартибда эса асосан мустақил иш машғулотларини олиб бориш тавсия этилади.
5. Таълим методлари - ўқитишда белгиланган мақсадга эришиш учун таълим олувчи ва таълим берувчининг ўзаро боғлиқ фаолиятини ташкил этишнинг тартибга солинган усулидир.
Таълим мақсадларини амалга ошириш бўйича таълим олувчилар билан таълим берувчилар ўртасида бўладиган биргаликдаги мураккаб жараёнда таълим методи муҳим вазифани бажаради.
Методлар таълим мазмунини амалда қўллашни таъминлайди, бунда таълим берувчи фаолиятини ташкил этиш йўли – дарс бериш методларидир, таълим олувчининг фаолияти эса – ўрганиш методларидир.
Ўқитиш жараёнида талабаларни фаоллаштириш – шуни назарда тутадики, бунда талабалар билимларни ҳамда уларни амалда қўллаш усулларини онгли ва фаол эгаллаб олади, уларда ижодий ташаббускорлик ҳамда ўқув фаолиятида мустақиллик, тафаккур, нутқ ривожланади.
Фаол методларини танлаш биринчидан, дарсдан кўзда тутилган ўқув мақсадларига боғлиқ. Масалан, агар дарснинг мақсади янги билимларни эгаллашдан иборат бўлса, ўқитувчи бу билимларни ўзи баён қилади ёки талабаларнинг ўқув адабиётлари ёки бошқа материаллар билан мустақил ишлашини ташкил қилади.
Таълим олувчиларнинг билим олиш, мустақил ишлаш ва ижодкорлик қобилиятларини ривожлантириш, уларнинг онгли фаоллиги, мустақиллиги ва ижодкорлигини, ўқув билиш фаолияти натижасининг сифатини ифодалайди.