Ўзбекистон ресубликаси олий ва ўрта махсус таълим вазирлиги

Қўлланилиш соҳалари. Ҳозирги вақтда тармоқли режалаштириш методи комплекс лойиҳалар ёки катта лойиҳалар учун, масалан, исталган турдаги қурилиш лойиҳалари, машинасозлик ва саноат жиҳозларини ишлаб чиқариш, монтаж ишлари, шунингдек реклама компанияларида ҳамда илмий тадқиқот ишларида қўлланилади. Тармоқли режалаштириш методи лойиҳани бошқаришнинг дастурий таъминоти учун асос ҳисобланади.
Шартлари. Тармоқли режалаштириш методи бутун лойиҳа давомида, яъни унинг охиригача қўлланилиши мумкин. У режадаги ва амалдаги ҳолатни таққослаш ёрдамида доимий қайтар алоқа учун хизмат қилади. Методни амалга ошириш структура ва вақт анализини тақозо этади, кейинги ёндашувлар эса харажатлар анализини ҳамда ишлаб чиқариш ҳажми анализини киритади. Тармоқ графигини тузиш учун турли таҳлил ишларини ўтказиш шарт ҳисобланади.
Амалга ошириш босқичлари. Бу лойиҳани ўтказиш зарур бўлган барча жараёнларнинг (иш, фаолият, ҳаракат жараёнлари) уларнинг вақтдаги ва мантиқий кетма-кетликда қуйидаги саволларга жавоб бериш тизимида амалга оширилади:

• 
  Қандай жараёнларни (иш, фаолият, ҳаракат жараёнлари) ўтказиш ва ҳисобга олиш керак?
  
• 
  Қандай жараёнлар қай тарзда бир-бирига боғлиқ бўлади (олдинги, кейинги)?
  
• 
  Қандай жараёнлар параллел олиб борилади?
  
• 
  Алоҳида жараёнлар қанчалик узоқ давом этади?
  
• 
  Қандай манбалар керак бўлади (моддий, молиявий, кадрлар)?
  
• 
  Қандай муҳим муддатлар белгиланиши керак?
  
• 
  Критик жараёнлар, яъни вақт резервисиз жараёнлар ёки буфер вақт мавжудми?
  

Бу фикрларнинг натижалари сифатида жадвал кўринишида бажарилган ишлар рўйхатини тузиш мумкин:

№	Жараён номи	Олдинги жараён тартиб рақами	Давомийлиги, мин
1	…	-	…
2	…	…	…
…	…	…	…

Структура ва вақт таҳлили тугашидан кейин тармоқ графиги тузилиб, унинг остида алоҳида жараёнларни уларнинг кетма-кетлиги ва боғлиқлигидаги график кўрсатиш тушунилади. Графиклар назарияси, тармоқли режалаштириш методи назарий асослар тилида: «Бириккан контурларсиз йўналтирилган, баҳоланган ва ўзаро боғланган тармоқ графиги дейилади» .