Ўзбекистон респупликаси

Adabiyotlar:
1. Dolimov S, Ubaydullaev H., Ahmedov Q. Adabiyot o‘qitish metodikasi. T.: "O‘qituvchi", 1967.
2. Yo‘ldoshev Q. Adabiyot o‘qitishning ilmiy-nazariy asoslari. T. 1996.
3. To‘xliyev B. Adabiyot o‘qitish metodikasi, T.: "Yangi asr avlodi", 2006.
4. Qodirov V. Mumtoz adabiyot: o‘qitish muammolari va yechimlar. T.: Alisher Navoiy nomidagi O‘zbekiston Milliy kutubxonasi nashr., 2009.
5. Husanboeva Q. Adabiyot - ma’naviyat va mustaqil fikr shakllartirish omili. T.: Alisher Navoiy nomidagi O‘zbekiston Milliy kutubxonasi nashr., 2009. (Asosiy adabiyot)


5-mavzu. ADABIY-NAZARIY TUSHUNCHALARNI O‘RGATISH
Reja:
1. Adabiy o‘qitishda adabiy-nazariy tushunchalarning o‘rni va ahamiyati.
2. Ta’limda o‘qitiladigan adabiy-nazariy tushunchalar tasnifi.
3. Adabiy-nazariy tushunchalarni o‘qitish usullari.


1. Adabiy ta’limda adabiy-nazariy tushunchalarning o‘rni va ahamiyati.
Dars samaradorligi, egallangan ko‘nikma va malakalarning sifat ko‘rsatkichlari ko‘p jihatdan o‘quvchilarga berilgan nazariy bilimlarga ham bog‘liq. Adabiy ta’limida o‘rganishga tavsiya etilayotgan nazariy bilimlar belgilangan bosh maqsad, asosiy vazifalardan kelib chiqib, badiiy adabiyotning ham shakliy, ham mazmuniy mundarijasini o‘zaro muvofiqlikda, aniq maqsadlarga
yo‘naltirilgan va ayni paytda tadrijiy tizimga bo‘ysundirilgan tarzda o‘rganilishini ta’minlashi lozim. Adabiy-nazariy tushunchalarni o‘rganish orqali o‘quvchilar quyidagi ko‘nikma va malakalarga ega bo‘ladilar:
1) badiiy adabiyotning tabiatini, san’atlar sirasidagi o‘rni va ahamiyatini anglab etadilar;
2) har bir adabiy tur va janrning o‘ziga xosligidan kelib chiqib o‘qilayotgan asarga yondashishga odatlanadilar;
3) asardagi obrazlar tabiatini, turfaligini va ular orqali ifodalanayotgan fikr, g‘oya hamda kechinmalarni ilg‘ay boshlaydilar;
4) badiiy matnda yuzaga kelgan estetik voqelikning asosi va omillarini ko‘ra bilish va tahlillash salohiyatiga ega bo‘la boshlaydilar;
5) badiiy asarlarning yutuq va kamchiliklarini ko‘ra olish, sara va puch asarlarni farqlay olish tajribasiga ega bo‘ladilar;