Ўзбекистон республикасининг

135-модда. Соқчисиз ёки кузатувчисиз юриш
ҳуқуқидан фойдаланаётган маҳкумлар меҳнати

Соқчисиз ёки кузатувчисиз юриш ҳуқуқидан фойдаланаётган маҳкумлар, одатда, колонияларнинг хўжалик хизматига оид ишларга жалб этиладилар.

Соқчисиз ёки кузатувчисиз юриш ҳуқуқидан фойдаланаётган маҳкумлар билан қўриқлов остида жазо ўтаётган маҳкумларни биргаликда меҳнатга жалб этиш тақиқланади.
V БЎЛИМ. ЎЛИМ ЖАЗОСИНИ ИЖРО ЭТИШ

24-боб. Ўлим жазосини ижро этиш шартлари ва тартиби (136-140 моддалар)

24-БОБ. ЎЛИМ ЖАЗОСИНИ ИЖРО ЭТИШ
ШАРТЛАРИ ВА ТАРТИБИ

136-модда. Маҳкумларни сақлаш шароитлари

137-модда. Ўлим жазосига ҳукм қилинган шахснинг ҳуқуқий ҳолати
138-модда. Авф этиш тўғрисида илтимоснома бериш
139-модда. Ўлим жазосини ижро этиш асоси
140-модда. Ўлим жазосини ижро этиш тартиби
136-модда. Маҳкумларни
сақлаш шароитлари

Ўлим жазосига ҳукм қилинган маҳкумлар икки кишилик камераларда кучайтирилган қўриқлов остида ва бошқалардан батамом ажратиб қўйилган ҳолда сақланадилар. Уларга нисбатан турма қамоғи учун назарда тутилган сақлаш шароитлари татбиқ этилади.

Ўлим жазосига ҳукм қилинган шахсларни енгиллаштирилган сақлаш шароитига ўтказишга йўл қўйилмайди.
137-модда. Ўлим жазосига ҳукм қилинган
шахснинг ҳуқуқий ҳолати

Ўлим жазосига ҳукм қилинган шахс қуйидагиларга ҳақли:

қонунда назарда тутилган тартибда зарур фуқаровий-ҳуқуқий ва оила-никоҳ муносабатларини расмийлаштиришга;
юридик ёрдам олиш ҳамда муддати ва миқдори чекланмаган ҳолда адвокат билан учрашишга;
чекланмаган миқдорда хат олиш ва жўнатишга;
яқин қариндошлари билан ҳар ойда бир марта қисқа муддатли учрашувга;
руҳоний билан учрашувга;
зарур тиббий ёрдам олишга.
138-модда. Авф этиш тўғрисида
илтимоснома бериш

Ўлим жазосига ҳукм қилинган шахс ҳукм қонуний кучга кирганидан кейин авф этиш тўғрисида илтимоснома билан мурожаат қилиш ҳуқуқига эга.

Авф этиш тўғрисида илтимоснома бериш ва уни кўриб чиқиш тартиби қонун ҳужжатларида белгилаб қўйилади.
Авф этиш тўғрисидаги масала кўриб чиқилгунга қадар ҳукмнинг ижроси тўхтатиб турилади.