Ўзбекистон республикасининг

124-модда. Тарбия колонияларида
жазони ўташ тартиби

Тарбия колонияларида:

ўн олти ёшгача бўлган вояга етмаган маҳкумлар каттароқ ёшдаги маҳкумлардан;
биринчи марта озодликдан маҳрум этишга ҳукм қилинган маҳкумлар илгари озодликдан маҳрум этиш тариқасидаги жазони ўтаган маҳкумлардан алоҳида сақланадилар. (ЎзР 12.12.2003 й. 568-II-сон Қонуни таҳриридаги қисм), (Олдинги таҳририга қаранг)
Ижобий тавсифга эга маҳкумлар ушбу Кодекснинг 104-моддасида назарда тутилган тартибда енгиллаштирилган сақлаш шароитига ўтказилади.

ЎзР 30.08.2003 й. 535-II-сон Қонунига мувофиқ учинчи қисм чиқариб ташланган

Маҳкумларга, агар улар бажараётган иш хусусияти тақозо этса, кузатувчисиз юриш ҳуқуқи берилиши мумкин. Кузатувчисиз юриш ҳуқуқидан фойдаланадиган шахслар колониялар ҳудудида яшайдилар.

125-модда. Тарбия колонияларида
жазони ўташ шартлари

Тарбия колонияларида маҳкумлар умумий турар жойларда яшайдилар.

Маҳкумлар белгиланган энг кам иш ҳақи миқдорининг икки ярим бараваригача бўлган суммага озиқ-овқат маҳсулотлари ва энг зарур нарсалар сотиб олишлари мумкин. (ЎзР 30.08.2003 й. 535-II-сон Қонуни таҳриридаги қисм)
Тарбия колонияларида маҳкумлар йил мобайнида:
олти марта қисқа муддатли ва олти марта узоқ муддатли учрашув;
ўн икки марта телефон орқали сўзлашув;
олтита посилка ёки йўқлов;
олтита бандерол олиш ҳуқуқига эга. (ЎзР 12.12.2003 й. 568-II-сон Қонуни таҳриридаги қисм), (Олдинги таҳририга қаранг)

ЎзР 12.12.2003 й. 568-II-сон Қонунига мувофиқ тўртинчи қисм чиқариб ташланган

Кучайтирилган тартибли тарбия колонияларида маҳкумлар йил мобайнида:

олти марта қисқа муддатли ва олти марта узоқ муддатли учрашув;
саккиз марта телефон орқали сўзлашув;
тўртта посилка ёки йўқлов;
тўртта бандерол олиш ҳуқуқига эга. (ЎзР 30.08.2003 й. 535-II-сон Қонуни таҳриридаги қисм), (Олдинги таҳририга қаранг)

ЎзР 12.12.2003 й. 568-II-сон Қонунига мувофиқ бешинчи қисми тўртинчи қисм деб ҳисоблансин

Ўн саккиз ёшга тўлган ва тарбия колонияларида қолдирилган маҳкумларга вояга етмаган маҳкумлар учун белгиланган нормаларда овқат, уст-бош, моддий-маиший таъминот ва бошқа жазо ўташ шароитлари татбиқ этилади. Бу шахсларнинг меҳнат шароитлари меҳнат тўғрисидаги қонун ҳужжатларига мувофиқ белгиланади.