Ўзбекистон республикасининг

80-модда. Даъвони таъминлашни бекор қилиш

Даъвони таъминлаш ишда иштирок этувчи шахснинг илтимосномасига кўра ишни кўраётган хўжалик суди томонидан бекор қилиниши мумкин. Даъвони таъминлашни бекор қилиш масаласи суд мажлисида ҳал қилинади.

Ишда иштирок этувчи шахслар мажлис вақти ва жойи тўғрисида хабардор қилинадилар, бироқ уларнинг келмаслиги даъвони таъминлашни бекор қилиш масаласини кўриб чиқишга тўсқинлик қилмайди.
Даъвони таъминлашни бекор қилиш масаласини кўриш натижалари бўйича ажрим чиқарилади.
Даъво рад этилган тақдирда йўл қўйилган таъминлаш чоралари ҳал қилув қарори кучга киргунча сақланади. Бироқ, хўжалик суди ҳал қилув қарори билан бир вақтда ёки у қабул қилинганидан кейин даъвони таъминлашни бекор қилиш тўғрисида ажрим чиқариши мумкин.
Ҳакамлик судининг даъво талабларини қаноатлантиришни рад этиш ҳақидаги ҳал қилув қарори даъвони таъминлаш чоралари хўжалик суди томонидан бекор қилиниши учун асос бўлади. (ЎзР 01.08.2007 й. ЎРҚ-106-сон Қонуни тахриридаги қисм)

ЎзР 01.08.2007 й. ЎРҚ-106-сон Қонунига мувофиқ бешинчи қисм олтинчи қисм деб ҳисоблансин

Даъвони таъминлашни бекор қилиш тўғрисидаги ажрим устидан шикоят қилиниши мумкин.

81-модда. Даъвони таъминлаш туфайли жавобгарга
етказилган зарарни қоплаш

Даъвони рад этиш тўғрисидаги ҳал қилув қарори қонуний кучга киргач, жавобгар ўша хўжалик судида даъво тақдим этиш йўли билан даъвогардан даъвони таъминлаш туфайли ўзига етказилган зарарни қоплашни талаб қилишга ҳақли.

8-БОБ. ИШ ЮРИТИШНИ ТЎХТАТИБ ТУРИШ

82-модда. Хўжалик судининг иш юритишни тўхтатиб туриш мажбурияти

83-модда. Хўжалик судининг иш юритишни тўхтатиб туриш ҳуқуқи
84-модда. Иш юритишни тиклаш
85-модда. Иш юритишни тўхтатиб туриш ва уни тиклаш тартиби
82-модда. Хўжалик судининг иш юритишни тўхтатиб
туриш мажбурияти

Хўжалик суди қуйидаги ҳолларда иш юритишни тўхтатиб туришга мажбур:

1) ишни конституциявий, фуқаровий, жиноят ёки маъмурий суд ишларини юритиш тартибида кўрилаётган бошқа иш ёки масала юзасидан қарор қабул қилингунга қадар кўриш мумкин бўлмаганда; (ЎзР 30.08.2002 й. 405-II-сон Қонуни таҳриридаги банд)
2) жавобгар фуқаро Ўзбекистон Республикаси Қуролли Кучларининг ҳаракатдаги қисмида бўлган ёки Ўзбекистон Республикаси Қуролли Кучларининг ҳаракатдаги қисмида бўлган даъвогар фуқаро тегишли илтимоснома билан мурожаат қилганда;
3) фуқаро вафот этганда, агар низоли ҳуқуқий муносабатлар ҳуқуқий ворисликка йўл қўйса;
4) фуқаро муомала лаёқатини йўқотганда.
Хўжалик суди қонунда назарда тутилган бошқа ҳолларда ҳам иш юритишни тўхтатиб туради.