Ўзбекистон Республикасининг «Ҳуқуқбузарликлар профилактикаси тўғрисида»

27-модда. Вояга етмаганлар ўртасида назоратсизлик ва ҳуқуқбузарликлар профилактикаси
Вояга етмаганлар ўртасида назоратсизлик ва ҳуқуқбузарликлар профилактикаси «Вояга етмаганлар ўртасида назоратсизлик ва ҳуқуқбузарликларнинг профилактикаси тўғрисида»ги Ўзбекистон Республикаси Қонуни, ушбу Қонун ва бошқа қонун ҳужжатларига мувофиқ амалга оширилади.

Ш А Р Ҳ

1. Вояга етмаганлар ўртасида назоратсизлик ва ҳуқуқбузарликлар профилактикаси Ўзбекистон Республикасининг 2008 йил 7 январдаги «Бола ҳуқуқларининг кафолатлари тўғрисида»ги, 2008 йил 17 апрелдаги «Одам савдосига қарши курашиш тўғрисида»ги, 2010 йил 29 сентябрдаги «Вояга етмаганлар ўртасида назоратсизлик ва ҳуқуқбузарликларнинг профилактикаси тўғрисида»ги қонунлари, Ўзбекистон Республикаси Вазирлар Махкамасининг 2011 йил 17 январдаги «Вояга етмаганлар ишлари бўйича комииссиялар фаолиятини такомиллаштиришга доир қўшимча чора-тадбирлар тўғрисида»ги 13-сонли ҳамда 2010 йил 26 ноябрдаги «Ички ишлар органларининг вояга етмаганларга ижтимоий-ҳуқуқий ёрдам кўрсатиш марказлари тўғрисидаги Низомни тасдиқлаш ҳақида»ги 269-сонли Қарорлари, Ўзбекистон Республикаси ИИВнинг 2017 йил 12 июлдаги «Ички ишлар органларининг ҳуқуқбузарликлар профилактикаси бўлинмалари фаолиятини ташкил этиш тартиби тўғрисида»ги 151-сонли ҳамда 2017 йил 25 августдаги «Ички ишлар органлари томонидан ҳуқуқбузарликлар профилактикасини амалга ошириш тартиби тўғрисида» 191-сонли буйруқлари, Ички ишлар вазирлиги, Соғлиқни сақлаш вазирлиги, Олий ва ўрта махсус таълим вазирлиги, Халқ таълими вазирлигининг 2014 йил 4 ноябрдаги «Ҳуқуқбузарлик­лар фактлари ҳамда ҳуқуқбузарликлар билан боғлиқ бошқа ҳолатлар ҳақида ички ишлар органларига хабар қилиш тартиби тўғрисидаги йўриқномани тасдиқлаш ҳақида»ги 36/18/49/56-сонли қўшма қарори каби қонун ва қонуности ҳужжатларига мувофиқ амалга оширилади.

2. Мазкур норматив-ҳуқуқий ҳужжатлар вояга етмаганларнинг руҳий, биофизиологик ҳолати ва дунёқарашига доир индивидуал хусусиятлар инобатга олиниб ишлаб чиқилган ва уларда вояга етмаганлар ўртасида ҳуқуқбузарликлар профилактикасини амалга оширишнинг ҳуқуқий тартиблари ўз ифодасини топган.

5-БОБ