Ўзбекистон республикасининг қонуни

69-модда. Давлат фуқаролик хизматчиларини жавобгарликдан озод қилиш шартлари ва тартиби
Давлат фуқаролик хизматчиси мазкур Қонуннинг 16-моддасида назарда тутилган юқори турувчи раҳбарини хабардор қилиш талабларига риоя этган тақдирда, ҳуқуқбузарлик содир этилиши ёки давлат органи ва ташкилоти, жисмоний ёки юридик шахсга зарар етказилиши давлат фуқаролик хизматчиси раҳбарининг ноқонуний буйруғи, фармойиши ёки кўрсатмасини ижро этиш зарурияти билан амалга оширилганда, жавобгарликдан озод этилади.
 
11-боб. Якунловчи қоидалар
 
70-модда. Давлат фуқаролик хизмати соҳасида халқаро ҳамкорлик
Давлат фуқаролик хизмати масалалари бўйича ваколатли орган ўз ваколати доирасида Ўзбекистон Республикаси қонун ҳужжатлари ва халқаро шартномаларга асосан бошқа давлатларнинг давлат органлари ва халқаро ташкилотлари билан ҳамкорликни ўрнатади.
 
71-модда. Давлат фуқаролик хизматини молиялаштириш
Давлат фуқаролик хизматини молиялаштириш Ўзбекистон Республикаси Давлат бюджети ва бошқа қонун билан тақиқланмаган манбалар ҳисобидан амалга оширилади.
 
72-модда. Давлат фуқаролик хизмати тўғрисидаги қонун ҳужжатларини бузганлик учун жавобгарлик
Давлат фуқаролик хизмати тўғрисидаги қонун ҳужжатларини бузганликда айбдор шахслар белгиланган тартибда жавобгар бўлади.
 
73-модда. Ушбу Қонуннинг ижросини, етказилишини, моҳияти
ва аҳамиятининг тушунтирилишини таъминлаш
Ўзбекистон Республикаси Вазирлар Маҳкамаси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамиятининг аҳоли ўртасида, айниқса инвестиция фаолияти субъектлари ўртасида тушунтирилишини таъминласин.
 
74-модда. Қонун ҳужжатларини ушбу Қонунга мувофиқлаштириш
Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқиш ва бекор қилишини таъминласин.