Ўзбекистон Республикасида маҳсулотнинг сертификатлаштиришни ўтказилиш тартиби қандай?

Сертификатлаштиришни тайёрлаш ва уни ўтказишда асосий ишлар қаторига:

• 
  Сертификатлаштирилувчи маҳсулотни танлаш;
  
• 
  Маҳсулотга сертификатлаштиришда белгиланадиган талабларни, тавсифларни танлаш;
  
• 
  Сертификатлаштирилувчи маҳсулотни ишлаб чиқариш шароитларни текшириш;
  
• 
  Синов лабораторияларини аккредитлаш;
  
• 
  Сертификатлаштириш синовларини ўтказиш;
  
• 
  Мувофиқлик сертификатини бериш ва мувофиқлик белгиси билан маҳсулотни белгилаш /тамғалаш/ лар киради.
  

Мажбурий сертификатлаштиришни ўтказганда қандай талаблар ўрнатилган?
Сертификатлаштириш икки хил бўлади: мажбурий ва ихтиёрий. Маҳсулотни у ёки бу сертификатлаштиришга оидлиги, уни ташқи муҳитга, инсон саломатлигига таъсири асосий мезон ҳисобланади. Ана шунинг учун ташқи муҳитга, инсон саломатлигига таъсир кўрсатувчи маҳсулотлар, албатта, мажбурий сертификатлаштиришга мансуб бўлади, қолган маҳсулотлар эса сертификатлаштириши ихтиёрийдир.
Мажбурий сертификатлаштириш деганда сертификатлаштириш ҳуқуқига эга бўлган идора томонидан маҳсулот, жараён, хизматнинг стандартлардаги мажбурий талабларига мувофиқлигини тасдиқлаш тушунилади.
Ихтиёрий сертификатлаштириш деганда ишлаб чиқарувчи /бажарувчи/, сотувчи /таъхминловчи/ ёки истеъмолчи ташаббуси билан ихтиёрий равишда ўтказилладиган сертификатлаштириш тушунилади.
Мажбурий сертификатлаштиришни ўтказиш ишларини ташкил этиш "Ўзстандарт" агентлиги зиммасига ёки унинг топшириғига биноан бошқа сертификатлаштириш органларига (уларни албатта аккредитация қилган ҳолда) юклатилади.
Сертификатлаштирилиши шарт бўлган маҳсулотларнинг рўйхатини Ўзбекистон Республикаси Вазирлар Маҳкамаси тасдиқлайди.
Мажбурий сертификатлаштирилиши лозим бўлган маҳсулотлар қуйидаги ҳолларда реализация қилиш мумкин эмас:

• 
  сертификатлаштиришга тақдим этилмаган бўлса;
  
• 
  сертификатлаштириш талабларига мувофиқ эмаслиги сабабли сертификатлаштиришдан ўтмаган бўлса;
  
• 
  агар сертификатнинг амал қилиш муддати тугаган ёки унинг амал қилиши тўхтатиб қўйилган (бекор қилинган) бўлса, Ўзбекистон Республикаси ҳудудида реализация қилиниши мумкин эмас.
  

Қонунга хилоф тарзда мувофиқлик белгиси босилган маҳсулотларни реализация қилиш ман этилади.