Ўзбекистон республикаси ветеринария ва чорвачиликни ривожлантириш давлат қЎмитаси

Янги бедапояни ташкил этиш -беда асосан икки муддатда - эрта 
баҳорда (март ойида) ва кузда (августнинг охири ва сентябрнинг бошида) 
экилади. 
Экиш учун беданинг “Тошкент-1”, “Тошкент-2009”, “Тошкент-1728” 
“Қорақалпоқ-15”, “Қорақалпоқ-80” навлари ҳамда лалми ерлар учун 
“Бойгул” ва “Аридная” навларини экиш тавсия этилади, бунда гектарига қир-
адирлик минтақаси учун 10-12 кг/га тоғолди ва тоғли минтақалар учун 15-20 
кг/га унувчан уруғ ҳисобида экилади, экиш олдидан гектарига физик ҳолда 
қир-адирлик минтақада гектарига 80-100 кг., тоғолди ва тоғли минтақаларда 
гектарига 100-120 кг фосфорли ўғитлар бериш тавсия этилади. 
Ҳашаки лавлаги -фермер хўжаликларида 2-3 гектар ѐки 5-10 фоиз ер 
майдонини ҳашаки лавлаги учун ажратиш мақсадга мувофиқ ҳисобланади. 
Экиш учун “Ўзбекистон-83” ва “Ўзбекистон нимқанд” навлари тавсия 
этилади. Экишдан олдин ҳар бир гектарига 20-30 тонна чириган гўнг ва 150 
кг аммофос солиш тавсия этилади. 
Чиримаган гўнгдан фойдаланиш тавсия этилмайди, чунки унда бегона 
ўтлар уруғи кўп бўлади, ҳашаки лавлаги март ойининг иккинчи декадасида 
сеялкалар ѐрдамида 3-4 см чуқурликда гектарига 8-10 кг уруғ экилади. 
Ўсимлик униб чиққандан кейин тракторда ва қўл билан экин майдони 
бегона ўтлардан тозаланади. Ўсимликнинг 2-4 та барги пайдо бўлганда ягана 
қилинади, бунда гектарига 70 минг дона кўчат қолдирилиши мақсадга 
мувофиқ (қатор оралари 70 см бўлганда бир погонометрда 5-та ўсимлик, 60 
см бўлганда 4-5-та ўсимлик, 90 см бўлганда эса 6-та ўсимлик қолдирилади). 
Май ойининг охирида экинлар гектарига 250-300 кг азотли ўғитлар билан 
озиқлантирилади ва суғорилади, бундан кейин трактор ѐрдамида культивация 
қилинади ва экин майдони бегона ўтлардан тозаланади. 
Июнь ойининг охирида юқоридаги меъѐрлар асосида иккинчи азотли 
ўғитлар билан озиқлантириш ва суғориш амалга оширилади. Июль ойида 3 та 
вегетация суғориши, августда 2 та ва сентябрда 1 та суғориш амалга 
оширилади. 
Октябрь охирида ва ноябрь бошида ҳашаки лавлагининг илдизмевалари 
йиғиштириб олинади ва илдизмева қўл ѐрдамида тупроқдан ва баргидан 
тозаланади, фермага олиб келинади ва қишлов учун сақланади. 
Агротехник тадбирлар ўз вақтида ва сифатли амалга оширилса 1 га 
майдондан 800-1000 ц илдизмева йиғиштириб олиш мумкин.