Ўзбекистон республикаси ветеринария ва чорвачиликни ривожлантириш давлат қЎмитаси

№3-сут шакли“Бузоқларни рўйхатга олиш ва ѐш молларни ўстириш 
журнали” -бу шаклда туғилган ҳар бир бузоқ қайд этиб борилади. Шаклда 
бузоқнинг ота ва онасини индивидуал тартиб рақамлари ва бошқа 
кўрсаткичлари бўйича қисқача маълумотлари қайд қилинади. Журналда ҳар 
бир бузоқни ойма-ой тарозида тортиш натижалари ва 10, 12 ойлик , икки ѐш 
ва ундан катта ѐшдаги даврда баҳолашда тўплаган баллари, шунингдек, ҳар 
бир бузоқнинг биринчи қочиш куни ѐки наслдор буқачадан наслга 
фойдалана бошланган вақтидаги ѐши ва тирик вазни ѐзилади. 
№4-сут шакли “Назорат соғими далолатномаси” - фермада 
соғувчиларга бириктирилган сигирларда ўтказиладиган назорат соғими 
натижалари қайд қилинади. Унда ҳар бир сигир лақаби ва индивидуал тартиб 
рақами, биринчи, иккинчи ва учинчи кунлик соғим ва суткада соғиб олинган 
сут (кг, шунингдек, сутдаги ѐғ ва оқсил) миқдори ѐзилади. Бу шакл 
сигирларни сут бериш маҳсулдорлигини назорат қилишда асосий ҳужжат 
ҳисобланади. Назорат соғими ўтказилганлиги ҳақида Далолатнома тузилади 
ва унга соғувчи (оператор) ва назоратчи имзо қўяди. 
№5-сут шакли “Сигирларда сут ажратиш тезлигини аниқлаш 
журнали” -сигирларнинг елин шакллари, назорат соғиш натижасида соғишга 
сарфланган вақт, биринчи, иккинчи ва учинчи кунлик соғиш давридаги сут 
миқдорини ѐзиб боришга мўлжалланган. Ҳар бир сигирнинг сут ажратиш 
тезлиги (кг/мин.) ва кунлик соғим миқдорига қараб баҳолаш кераклиги 
кўрсатилган.
№6-сут шакли “Сут ва сут-гўшт йўналишидаги наслдор буқани 
авлодининг сифати бўйича баҳолаш журнали” - баҳоланаѐтган наслдор 
буқа ва унинг тенгдош қизлари бўлган 60 бошга яқин сигирларнинг 
маҳсулдорлиги, тирик вазни, елинининг хусусиятларини ва экстерьер 
кўрсаткичларини ѐзиб, ҳар бир наслдор буқа ва сигирнинг I, II ва III 
лактациялари бўйича ўртача маҳсулдорлиги кўрсатилиб, авлоди бўйича 
баҳолаш натижаларини таққослаш ҳамда наслдор буқага тоифа бериш учун 
журнал юритилади.