Ўзбекистон республикаси ва ўрта махсус таълим вазирлиги техника олий ўқув юртлари талабалари учун дарслик сифатида тавсия этилади

Ёғ-мой маҳсулотларини ташиш.

Ёғ-мой маҳсулотларини ташиш, уларнинг хавфсизлигини ва бутлигини таъминлайдиган транспорт воситаларида амалга оширилади.

Озуқавий ёғ-мой маҳсулотларини ташувчи транспорт воситалари ушбу мақсадларга мувофиқ бўлиши керак. Ташиш шароитларини юк ортувчи белгилайди. Ушбу шароитлар ишлаб чиқарувчи томонидан ташиш учун белгиланган талабларга мос бўлиши лозим.
Транспорт воситаларининг юк бўлимлари конструкцияси ёғ-мой маҳсулотларини зарарланишдан ҳимоялайдиган ва даврий санитария тозалаш ишларини ўтказиш имкониятини таъминлаши керак.
Транспорт воситаларининг юк бўлимлари ички юзалари яхши ювиладиган ва токсик бўлмаган материаллардан ясалган бўлиши керак. Транспорт воситаларининг ички бўлинмаларининг санитария тозалаш ва дезинфекция қилиш даврийлиги озуқавий ёғ-мой маҳсулотларини ташиш хўжалик фаолияти билан шуғулланувчи тараф томонидан белгиланади.
Ёғ-мой маҳсулотларини уларнинг қадоғини ифлослантирадиган ва кучли (бегона) ҳидли юклар билан бирга ташишга йўл қўйилмайди.
Ёғ-мой маҳсулотлари юк жўнатиш ҳужжатлари билан жўнатилиши керак.
Темирйўл систерналарини қабул қилиш учун корхонанинг қолган иншоотлари билан бирлашган депо қурилади. Депода бир вақтда камида 2 та темир йўл систернасини қабул қиладиган 1-2 та темир йўл изи ётқизилади. Унда қотиб қолган мой ва ёғларни қиздириш, мой ва ёғларни систернадан тўкиш ва систернага қуйиш, кўриниши ва сифатига кўра турли хил бўлган мой ва ёғларни алоҳида қабул қилишни таъминлайдиган тўкиш-қуйиш қурилмаси жойлаштирилади.
Ўсимлик мойи ва ёғларни тез қуйиш ва тўкиш учун қуйидаги қурилмалар мавжуд: тўкиш-қуйиш эстакадаси; тўкиш-қуйиш стояклари; темир йўл систерналаридан мой ва ёғларни зич ёпилган пастдан тўкиш жойи учун қурилма; мой ва ёғларни иссиқ ювиш усули билан иситиш учун қиздиргич; қабул қилиш баклари.