Ўзбекистон республикаси ва ўрта махсус таълим вазирлиги техника олий ўқув юртлари талабалари учун дарслик сифатида тавсия этилади

ПЭВДдан идиш тайёрлашнинг асосий усуллари.
ПЭВДдан идиш тайёрлашнинг асосий усуллари: босим остида қуйиш; экструзия, пуфлашли экструзия, ротацион шакллантириш, термо-шакллантириш.
ПЭВД турли маиший буюмлар ва пилёнка тайёрлашда кенг қўлланилади. ПЭВДнинг озиқа маркали пилёнкасидан тайёрланган қоплар маргаринли маҳсулотларни катта ўлчамли идишга (тахта бочка, картон яшик) қадоқлашда пергамент ўмида ишлатилади.
ПЭНД нисбатан қаттиқ, зарбага юқори чидамли, кучланиш остида ёрилишга чидамли, юқори пишиқлик хоссаларига эга.
ПЭНД ПЭВДни қайта ишлаш усуллари билан қайта ишланади: босим остида қуйиш, экструзия, пуфлашли экструзия, ротатсион шакллантириш. ПЭНДдан қолган қутилар ўсимлик мойлари ташишда транспорт идиши сифатда фойдаланилади.
Поливинил хлорид. Поливинил хлорид (ПВХ) — винил хлоридни полимерланишидан ҳосил бўлган юқори молекулар бирикма ҳисобланади. ПВХнинг хоссалари ва ишлатилиш соҳалари унинг олиниш усулларига боғлиқ бўлади. Саноатда ПВХни суспэнзияли, блокли, эмулцияли усуллар ёки массада полимерлаш билан олинади.
ПВХ, одатда, 140—170⁰ C да қайта ишланади, бу шароитда флорид кислотанинг ажралиши ва қисман деструкция жараёнлари содир бўлади, шунинг учун ПВХнинг ҳарорат мувозанатлилигини ошириш учун полимерли махсус қўшимчалар — мувозанатловчилар қўшилади. Фақат стабилизатор тутувчи ПВХлар қаттиқ шохсимон маҳсулотлар, конструктив материал сифатида (қувур, идиш, арматура ва ҳ.к.) ишлатилади, шунинг учун листлар ва плёнкалар олишда маҳсулотнинг эластиклик хоссаларини яхшилаш учун ПВХли пластификаторлар, асосан, мураккаб эфирлар (диоктил ва дибутилсебасинат, диоктилфталатлар) киритилади. Эпоксидланган ўсимлик мойлари (соя ва бошқ.) пластиклик хоссаларини яхшилаш хусусиятига эга, улар ПВХнинг озиқа навлари учун пластификатор ва стаблизатор сифатида кенг ишлатилади.
Қаттиқ ПВХлар плёнка ёки донача кўринишида турли яримқаттиқ идишлар (банка, бутилка флакон, лоточка, коробка, баклажка) ишлаб чиқариш учун қўлланади. Шакллантиришнинг турли усуллари билан амалга оширилиши мумкин: пневматик, вакуум-шакллаш, листли ёки плёнкали материални штамповкалаш, экструкзия ва босим остида қуйиш доначалар, кукундан ротатсион шакллантириш.
ПВХ плёнкалари. ПВХ плёнкалари ўсимлик мойлари, маёнез ва қуйма маргаринларга идиш тайёрлаш учун мўлжалланган. Плёнка кучсиз пластикланган термопластик материал бўлиб, суспэнзион поливинилхлорид, стабилизатор ва бошқа қўшимчалар асосида тайёрланади.
Ускунанинг унумдорлиги, дона/мин: стаканча тайёрлаш - 240; қопқоқ тайёрлаш - 250.