Œзбекистон республикаси

VIII–МАЪРУЗА

АГРЕГАТЛАР УЧУН ЭНЕРГЕТИКА БАЛАНСИ

Режа:

1. 
   Энергетик баланс ва ишлаб чиқариш элементларининг энергетик характеристикаси.
   
2. 
   Агрегатлар энергетика балансини қуриш шакллари.
   
3. 
   Энергетика балансининг тузилиши ва агрегатик иқтисодийлик кўрсаткичлари.
   
4. 
   Назорат саволлари.
   

1. Энергетик баланс ва ишлаб чиқариш элементларининг

энергетик характеристикалари

Саноат корхоналарининг энергетик хўжалиги бир неча турдаги цех ва умум завод энергия истеъмолчилари, цех ва умум завод тармоқлари, тўғрилагич ва генерация қурилмаларини ўз ичига олади.
Корхона энергия истеъмолини анализ қилишнинг асосида рационаллаштириш тадбирларини лойиҳалаштириш, энергия истеъмолини режалаштириш ва меъёрлаштиришни синтетик таҳлил қилиш, умум завод балансини режалаштириш ва келажакка қаратиб режалаштириш, алоҳида элемент ва энергетика хўжалигида энергетик баланс кўрсаткичларини меъёрлаштириш ва ҳоказо. Шунинг учун аввало, алоҳида бўлган ишлаб чиқариш элементларини энерго баланси билан танишиб чиқиш керак.
Агрегатнинг энергетик баланси таркиби.
Агрегат энергетик баланси 2 қисмдан таркиб топган:
–киримли ва сарфий, қиймат жиҳатидан бир–бирига тенг;
–киримли қисми ўз ичига агрегатга бир ёки бир нечта энерго ташувчилар томонидан киритилган энергия балансини олади;
–Сарфий қисми эса ўз ичига:

• 
  фойдали энергия;
  
• 
  энергия исрофининг ҳар хил турларини;
  
• 
  иккаламчи энергоресурсларни олади.
  

Фойдали энергияга асосий жараён учун сарфланган энергия тушунилади ёки шу жараёнга узлуксиз боғлиқ бўлган жараённи ҳам ўз ичига олади. Домна печда чўянни эритиш учун фойдали иссиқликка жараённи бериш учун керакли бўлган иссиқлик ҳисобланади. Ундан ташқари шлак хосил бўлиши учун эритма намлигини йўқотиш учун ва чўяннинг физик иссиқлиги ва шлакнинг иссиқлигини ўз ичига олади.
Тўғрилагичлар балансида ёки генераторлар балансида фойдали энергия тўғирланган (айлантирилган) ёки ишлаб чиқарилган энергия, регенератив жараёнга сарфланган иссиқликни ўз ичига олади.
Энергия исрофини агрегат учун балансни тузаётганда уни 2 гуруҳга бўлиш мақсадга мувофиқ.

1. 
   Атроф–муҳитга энергия сочилишидаги исроф;
   
2. 
   Берилган физик жараёнга тўла ишлатилмаган энергия учун бўлган исроф.
   

Биринчи гуруҳ исрофларига қуйидагилар киради, масалан, симлардаги исрофлар ва электр қурилмалар чулғамларидаги исрофлар. Трансформатор ва электр двигателлар темир қисмидаги исрофлар ва бошқалар.
Ҳамма саноат корхоналарида иккиламчи энергоресурсларни қараб чиқмасдан уларга ишлаб чиқариш чиқиндиси сифатда қаралади, аммо уларни меъёрлаштириш, уларни ишлаб чиқариш ёки цехларнинг энергетик маҳсулоти сифатида ҳисобга олиш зарур.